Corona Update: राज्यात नवीन रुग्णांपेक्षा अधिक रुग्ण बरे

मुंबई : राज्यात आज नवीन कोरोना बाधित रुग्णांपेक्षा बरे झालेल्या रुग्णांची संख्या अधिक नोंदवली गेली आहे. आज 3,530 नवीन रुग्ण सापडले तर 3,685 रुग्ण बरे होऊन घरी गेले. त्यामुळे कोरोनातून बरे होणाऱ्या रुग्णांची संख्या 63,12,706 इतकी झाली आहे. राज्यातील रुग्ण बरे होण्याचे प्रमाण वाढून 97.06 टक्के एवढं झालं आहे.

आज राज्यात सोमवारच्या तुलनेत नवीन कोरोना बाधित रुग्णांची संख्या काहीशी वाढली. आज 3,530 नवे रुग्ण सापडले असून काल 2,740 नव्या रुग्णांची भर पडली होती. मृत्यूचा आकडा 27 वरून वाढून 52 झाला आहे. राज्यातील मृत्यूदर 2.12 टक्क्यांवर पोहोचला आहे. मृतांचा एकूण आकडा 1,38,221 इतका झाला आहे. राज्यात सक्रिय रुग्णांची संख्या 49,671 इतकी झाली.

अकोला, औरंगाबाद मंडळात एकाही मृत्यूची नोंद झाली नाही. तर ठाणे 12, नाशिक 11, पुणे 18, कोल्हापूर 6, लातूर 4, नागपूर 1 मृत्यू नोंदवले गेले. सध्या राज्यात 2,96,176 व्यक्ती होमक्वारंटाइनमध्ये आहेत तर 1,875 व्यक्ती संस्थात्मक क्वारंटाइनमध्ये आहेत.