राज्यात कोरोनाचा संसर्ग वाढतोय; ओमिक्रॉनचा नवा रुग्ण नसल्यानं दिलासा

मुंबई : राज्यात आज 2,172 नवे कोरोनाबाधित रुग्ण आढळले तर 21 बाधितांचा मृत्यू झाला आहे. त्यामुळं मृतांचा एकूण आकडा 1 लाख 41 हजार 476 वर पोहोचला आहे. दिलासादायक बाब म्हणजे आज दिवसभरात एकही ओमिक्रॉनबाधित रुग्ण आढळला नाही. (corona update maharashtra daily corona news)

आरोग्य विभागाच्या माहितीनुसार, राज्यात आज 2,172 नवीन कोरोना बाधित रुग्ण सापडले. त्यामुळं करोनाबाधित रुग्णांची एकूण संख्या 66,61,486 वर पोहोचली आहे. तसेच राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या कमी होऊन 11,492 इतकी झाली आहे. 

दरम्यान, आज 1,098 रुग्ण कोरोनामुक्त झाले. त्यामुळं कोरोनातून बरे होणाऱ्या रुग्णांची संख्या 65,04,831 इतकी झाली आहे. राज्यातील रुग्ण बरे होण्याचं प्रमाण वाढून 97.65 टक्के एवढं झालं आहे. सध्या राज्यात 1 लाख 11 हजार 231 व्यक्ती होमक्वारंटाइनमध्ये आहेत तर 910 व्यक्ती संस्थात्मक क्वारंटाइनमध्ये आहेत.

राज्यात ओमायक्रॉन बाधिताची नोंद नाही

राज्यात आज एकही ओमायक्रोनबाधित रुग्णाची नोंद झाली नाही. त्यामुळे राज्यातील एकूण बाधित रुग्णांचा आकडा 167 वर स्थिर आहे. त्यापैकी 91 रुग्णांचा आरटी-पीसीआर अहवाल निगेटिव्ह आल्यानंतर त्यांना घरी सोडून देण्यात आलं आहे. आतापर्यंत 786 प्रयोगशाळा नमुने जनुकीय तपासणीसाठी पाठविण्यात आले आहेत. यांपैकी 141 नमुन्यांचा अहवाल अद्याप प्रलंबित आहे.