राज्यात नवीन रुग्णांमध्ये सात हजारांची घट; रिकव्हरी रेटही वाढला

मुंबई : राज्यात आज दिवसभरात 15,140  नवीन रुग्णांची नोंद झाली. तर 35,453 रुग्ण कोरोनामुक्त झाले असून राज्यातील रुग्ण बरे होण्याचे प्रमाण वाढून 95.42 टक्के एवढं झालं आहे. तर मृत्यूचा आकडा कालच्या तुलनेत आणखी कमी झाला. (corona update maharashtra daily corona news)

आरोग्य विभागाच्या माहितीनुसार, राज्यातील एकूण संख्या 77,21,109 झाली आहे. राज्यात कोरोनातून बरे होणाऱ्या रुग्णांची संख्या वाढली असून ही रुग्णांची संख्या 73,67,259 वर पोहोचली आहे. तर 39 रुग्णांचा आज मृत्यू झाला आहे. यामुळं मृतांचा एकूण आकडा 1,42,611 इतका झाला आहे.

दरम्यान, राज्यातील मृत्यूदर 1.85 टक्क्यांपर्यंत खाली आला आहे. राज्यातील औरंगाबाद, नागपूर मंडळांमध्ये मृत्यूंची नोंद झाली नाही. ठाणे 26, नाशिक 2, पुणे 6, कोल्हापूर 2, लातूर 2, अकोला 1 मृत्यू नोंदवले गेले आहेत. 

सध्या राज्यात 11,74,825 व्यक्ती होमक्वारंटाईनमध्ये आहेत तर 2,798 व्यक्ती संस्थात्मक क्वारंटाईनमध्ये आहेत. सक्रिय रुग्णांची संख्या कमी होऊन 2,07,350 इतकी झाली आहे.