Corona Update : राज्यात दिवसभरात रुग्णसंख्येत वाढ!

मुंबई : राज्यात आज नवे रुग्ण वाढले तर मृतांचा आकडा काहीसा कमी झाल्याचे दिसले. आज राज्यात 4219 नव्या रुग्णांची भर पडली. करोना बाधित रुग्णांची एकूण संख्या 64,87,025 झाली आहे.

मृत्यूचा आकडा ही कमी होऊन 55 पर्यंत खाली आला. राज्यातील मृत्यूदर 2.12 टक्क्यांवर पोहोचला आहे. मृतांचा एकूण आकडा 1,38,017 इतका झाला आहे. नागपूर,औरंगाबाद मंडळात एकाही मृत्यूची नोंद झाली नाही. तर ठाणे 6,नाशिक 4,पुणे 26,कोल्हापूर 13,लातूर 5,अकोला 1 मृत्यू नोंदवले गेले.

राज्यात अॅक्टिव्ह रुग्णांची संख्या काहीशी वाढली असून 50,229 इतकी झाली.आज 2538 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 63,95,236 इतकी आहे. राज्यातील रुग्ण बरे होण्याचे प्रमाण वाढून 97.04 टक्के एवढे झाले आहे.सध्या राज्यात 2,92,510 व्यक्ती होमक्वारंटाईनमध्ये आहेत तर 1,911 व्यक्ती संस्थात्मक क्वारंटाईनमध्ये आहेत.