Dasara Melava : आम्ही गद्दारी नाही 'गदर' केलाय; CM एकनाथ शिंदेंची 'सनी स्टाईल'
मुंबई - शिवसेना पक्षप्रमुख उद्धव ठाकरे यांनी एकनाथ शिंदे गटावर कडाडून टीका केली. आज पुन्हा एकदा उध्दव ठाकरे यांनी शिंदे गटाला गद्दार म्हणून डिवचलं. याला प्रत्युत्तर आता एकनाथ शिंदे यांनी दिलं. एकनाथ शिंदे यांनी अभिनेता सनी देओलच्या स्टाईलमध्ये ठाकरेंना उत्तर दिलं. (Eknath Shinde news in Marathi)
उद्धव ठाकरेंच्या गद्दार टीकेला एकनाथ शिंदे म्हणाले की, आम्ही गद्दारी गदर केला. आम्हाला सत्तेपेक्षा सत्य आणि सत्व महत्त्वाचं आहे, आपण सगळे बाळासाहेबांचे निष्ठावंत भक्त आहोत. त्यांचे खरे वारसदार.. विचारांचे वारसदार.. वारसा हा विचारांचा असतो तो जपायचा असतो.. आम्ही विचारांचा वारसा जिवापाड जपला आहे. त्यामुळे त्यांच्या विचारांचे पाईक आम्ही आहोत, असंही शिंदे म्हणाले.
गद्दारी झाली आहे, पण ती २०१९ ला झाली. ज्यावेळी ही आघाडी झाली, त्यावेळी खरी गद्दारी झाली, तुम्ही बाळासाहेबांच्या विचारांशी गद्दारी केली, एका बाजूला बाळासाहेबांचा आणि मोदींचा फोटो लावल्यामुळे लोकांनी तुम्हाला मतदान केलं पण त्यांच्या मताला तुम्ही नाकारलं म्हणून महाराष्ट्राच्या जनतेशी तुम्ही गद्दारी केली, असही शिंदे म्हणाले.
जे आता मंत्री झाले त्यांनी आधी काठ्या खाल्ल्या, घरावर तुळशीपत्र ठेवलं, काम केलं आणि तुम्ही आम्हाला गद्दार म्हणता... ज्यावेळी ही आघाडी होत होती त्यावेळी अनेकजण आम्हाला सांगत होते ही आघाडी खड्ड्यात घालणारी आहे... पण आम्ही आदेश पाळणारे शिवसैनिक होतो पण तुम्ही बाळासाहेबांच्या विचारांशी गद्दारी केली. त्यामुळे आम्ही हा निर्णय घेतला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.