मुंबई - बहुचर्चित दसरा मेळाव्यात शिवसेना पक्षप्रमुख उद्धव ठाकरे यांनी एकनाथ शिंदे गटावर पहिल्या शब्दापासून हल्लाबोल चढवला. उद्धव यांनी पुन्हा एकदा शिंदे गटाला गद्दार म्हटलं. त्याचवेळी त्यांनी फडणवीसांवर जोरदार टीका केली. (Uddhav Thackeray news in Marathi)
उद्धव ठाकरे म्हणाले की, फडणवीस म्हणतात की, कायद्याच्या चौकटीत राहून बोला. अन्यथा कायदा आपलं काम करेल. हे पुन्हा आले आणि दीड दिवसांत परत गेले. फडणवीसजी तुम्हालाच कायदा कळतो असे नाही. आम्ही कायदा पाळायचा आणि तुम्ही गुरं पाळायची असे चालणार नाही, असा खोचक टोलाही उद्धव यांनी फडणवीसांना लगावला.
चुनचुनके मारेंगे ही काय कायद्याची भाषा आहे का, आमच्यापैकी कुणी काही बोललं की लगेच त्याच्यावर गुन्हे दाखल करायचे, लगेच आदेश द्यायचे.... अनेकांच्या केसेस काढता. तुम्ही काय सलूनचं दुकाण टाकलं का, असा सवालही उद्धव यांनी उपस्थित केला.
उद्धव म्हणाले की, ज्यांना आपण मंत्रीपदं दिलीत, ज्यांना दिलं ते नाराज झाले. पण ज्यांना मी काही देऊ शकलो नाही ते आजही माझ्यासोबत आहेत. शिवसेना एकट्याची नाही...तुम्ही जेव्हा सांगाल मला की तुम्ही जावा मी जाईल. पण हे गद्दारांनी सांगायला नको, असंही उद्धव म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
