'या' खात्याच्या वाटाघाटीमुळे अडलंय महाविकासआघाडीचं खातेवाटप

मुंबई : महाराष्ट्राचे गृहमंत्रिपद राष्ट्रवादी कॉंग्रेसला देण्यास शिवसेना राजी नसल्याने खातेवाटपाचा निर्णय ठप्प झाला आहे. गृह खाते राष्ट्रवादीला दिले, तर राज्याचा अर्धा कारभार त्यांच्याकडे जाईल, हे लक्षात घेत शिवसेनेने ते खाते सोपविण्याबद्दल असमर्थता व्यक्त केली आहे.

ताज्या बातम्यांसाठी डाऊनलोड करा, ई-सकाळचे ऍप

नागपुरात होणाऱ्या हिवाळी अधिवेशनाआधी खातेवाटप निर्णय होणे दुरापास्त झाले आहे. गृह खाते राष्ट्रवादी कॉंग्रेसला अकारण दिले, अशी खंत कॉंग्रेस नेते पृथ्वीराज चव्हाण जाहीरपणे बोलून दाखवत. मुंडे यांनीही 1995 साली शिवसेनेला गृह खाते दिले नव्हते. शिवसेनेने या विषयावर काहीही बोलणे टाळले असले, तरी हे खाते कसे सोडणार, असा प्रश्न त्यांनी केला आहे.

अजित पवार म्हणतात एकमत होत नसेल तर सर्वांनी राजीनामे द्या 

दरम्यान, आज नागरिकत्व विषयावर सेनेने घेतलेली भूमिका दिल्लीत कॉंग्रेसच्या नाराजीचा विषय ठरली असल्याचे सांगण्यात येत होते. शिवसेनेमागे आपण जाणे कितपत योग्य आहे, असा प्रश्न कर्नाटकच्या निर्णयाच्या पार्श्वभूमीवर केला जातो आहे.