आशिष शेलार शिवसेनेविरुद्ध बोलतात म्हणून गुन्हा दाखल : फडणवीस

मुंबई : भाजपचा (BJP) कुठलाही नेता आणि विशेषतः आशिष शेलार कुठल्याही महिलेबाबत अभद्र आणि चुकीचा शब्द वापरू शकत नाही. महापौरांबाबत तर कधीच नाही. काल त्यांच्या प्रेसनोटचा चुकीचा अर्थ काढून गुन्हा दाखल करण्यात आलाय, असे विरोधी पक्षनेते देवेंद्र फडणवीस (Devendra Fadanvis) यांनी सांगितले. आज ते प्रसारमाध्यमाशी बोलत होते. फडणवीस म्हणाले, की आशिष शेलार शिवसेनेविरुद्ध आक्रमकतेनं बोलतात. त्यामुळे त्यांना शांत करण्यासाठी हा गुन्हा दाखल केला का? हा प्रश्न आहे. महापौर किंवा कुठल्याही महिलेबाबत आदर आहे. आशिष शेलार (Ashish Shelar) चुकीचा शब्द वापरू शकत नाही, अशी बाजू फडणवीस यांनी मांडली. काँग्रेस ने नागपुरात उमेदवार बदलला काय किंवा तोच ठेवला काय, ही निवडणूक चंद्रशेखर बावनकुळे मोठ्या फरकाने जिंकणार आहे, असा विश्वास त्यांनी व्यक्त केला. (Shiv Sena)

काही बाबतीत राजकारणापासून दूर राहीलं पाहिजे. विशेषतः सेनाप्रमुख साडीएस यांचा विषय आहे. तिथे असे लुज वक्तव्य करण्यापेक्षा देशाची सर्वोच्च प्राथमिकता हा अपघात का झाला ही आहे. तिन्ही सेना मिळून याची चौकशी करत आहेत. चौकशी होईपर्यंत याबाबत बोलणे अनुचित आहे, असा टोला फडणवीस यांनी शिवसेना नेते खासदार संजय राऊत यांना लगावला आहे.