मनसे अध्यक्ष राज ठाकरे (raj thackeray) यांच्या अयोध्या दौऱ्यावरून सध्या राजकारण तापलं आहे, उत्तर प्रदेशातील भाजप खासदार बृजभूषण यांनी त्यांच्या दौऱ्याला जोरदार विरोध केला आहे. यावर विरोधी पक्षनेते देवेंद्र फडणवीस (Devendra Fadnvis) यांनी प्रतिक्रिया दिली आहे. यावेळी राज ठाकरे यांना अयोध्येला जाऊ द्या, विरोध करण्याचं कारण नाही, असं आवाहन फडणवीसांनी भाजप खासदार ब्रिजभूषण यांनी केले आहे. (raj thackeray ayodhya visit)
देवेंद्र फडणवीस म्हणाले की, राज ठाकरे यांच्या अयोध्या दौऱ्याला बृजभूषण सिंग का विरोध करत आहेत, हे मला माहिती नाही. माझं याविषयी त्यांच्याशी काही बोलणं झालेलं नाही. राज ठाकरेंना विरोध करण्याचं कारण मला समजलेलं नाही. माझं स्पष्ट मत आहे, की रामाच्या शरणात जो जात असेल, त्याला जाऊ दिलं पाहिजे. रामाच्या शरणात जाण्यापासून कोणालाही रोखण्याचं, विरोध करण्याचं कारण नाही, असे फडणवीसांनी स्पष्ट सांगितले.
उत्तर प्रदेश सरकार मुंबईत ऑफीस उघडणार यावर बोलताना फडणवीस म्हणाले की, मुंबई आर्थिक राजधानी आहे, सगळ्या राज्यांची भवने येथे आहेत, त्यामुळं उत्तर प्रदेशनं एखादं ऑफिस इथं काढलं तर लगेच घाबरून जाण्याची गरज नाही, मुंबई आणि माहाराष्ट्र पावरफूल आहे. त्यामुळं एखादं ऑफिस निघालं काय किंवा नाही काय काही परिणाम होणार नाही, त्यावर एकाच गोष्टीचा परिणाम होईल, ज्याप्रकारे कारागृहातून राज्यकारभार चालला आहे , याचा परिणाम निश्चितपणे महाराष्ट्रावर होईल असे देखील फडणवीस म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
