देवेंद्र फडणवीसांचे मॉडेलिंग करतानाचे फोटो व्हायरल, वाचा काय आहे प्रकरण

सध्या महराष्ट्राचे राजकारण चांगलेच तापले आहेत. अशात भाजप सत्ता स्थापनेचा प्रयत्न करतोय यात भाजप नेते आणि विधानसभेचे विरोधी पक्षनेते देवेंद्र फडणवीस हे महत्त्वाची भूमिका बजावत आहेत. सध्या देवेंद्र फडणवीस सोशल मीडियावर प्रचंड चर्चेत आहे. मात्र राज्यात सुरू असलेल्या घडामोडीमुळे नाही तर एका वेगळ्या विशेष प्रकरणाने.

हो. हे खरंय. सध्या देवेंद्र फडणवीसांचे काही जुने फोटो व्हायरल होत आहे. हे फोटो त्यांच्या मॉडेलिंगच्या काळातील आहे. या फोटोमध्ये देवेंद्र फडणवीस खुप डॅशिंग दिसत आहे.

नागपुरातील एका कपड्याच्या दुकानाच्या जाहिरातीसाठी हा फोटोशुट करण्यात आला होता. यापूर्वीही हे फोटो व्हायरल झाले होते आणि आता पुन्हा सोशल मीडियावर या फोटोंची चांगलीच चर्चा आहे.

2006 ला देवेंद्र फडणवीसांनी मॉ़डेलिंगला सुरवात केली होती. नागपूर येथील एका कपड्याच्या दुकानाने फडणवीस यांचे हे फोटो असलेल्या पाच होर्डिंग्ज शहरात लावल्या होत्या. या फोटोमध्ये त्यांनी रंगबेरंगी शर्ट मध्ये पोज दिल्या आहे. खरं तर फार कमी लोकांना माहित आहे की देवेंद्र फडणवीस राजकारणात प्रवेश करण्याच्या आधी मॉडेलिंग करायचे.

सध्या हे फोटोज सोशल मीडियावर प्रचंड व्हायरल होत असून नेटकरी या फोटोंवर वेगवेगळ्या मजेशीर प्रतिक्रिया देत आहे. कोणी म्हणतंय ते खरंच मॉडेल होते तर कोणी म्हणतंय त्यांचं हे टॅलेंट पाहून छान वाटले.