निषेधार्ह! पंतप्रधानांच्या सुरक्षेवरून फडणवीसांची संतप्त प्रतिक्रिया|PM Modi Security Lapse | Sakal
sakal

बोलून बातमी शोधा

Fadnavis Reaction On PM Modi Security Lapse

निषेधार्ह! पंतप्रधानांच्या सुरक्षेवरून फडणवीसांची संतप्त प्रतिक्रिया

मुंबई : पंतप्रधान मोदींच्या सुरक्षेमध्ये (PM Modi Security Lapse) गंभीर चूक झाल्यामुळे पंजाबमधील फिरोजपूरमधील सभा रद्द (PM Modi Punjab Rally Cancel) करण्यात आली. याबाबत गृहमंत्रालयाकडून माहिती देण्यात आली आहे. पंतप्रधानांचा ताफा जवळपास १५-२० मिनिटे उड्डाण पूलावर अडवण्यात आला. त्यावरूनच आता विरोधी पक्षनेते देवेंद्र फडणवीस (Devendra Fadnavis) यांनी संतप्त प्रतिकिया व्यक्त केली आहे.

हेही वाचा: 'पंतप्रधानांसोबत खेळ खेळताय', मोदींचा ताफा रोखल्यानंतर पाटील आक्रमक

आपल्या माननीय पंतप्रधानांच्या सुक्षेचे काय झाले? असा संतप्त सवाल फडणवीसांनी उपस्थित केला. पंजाबमधील घटना अत्यंत निषेधार्ह आहे. सर्वात वाईट म्हणजे पंजाबचे मुख्यमंत्री बोलण्यास किंवा कॉलला उत्तर देण्यास नकार देतात, अशी टीकाही त्यांनी पंजाब सरकारवर केली. या गंभीर चुकीसाठी जबाबदार असलेल्या अधिकाऱ्यांवर कठोर कारवाई करावी, अशी मागणी देखील फडणवीसांनी केली.

दरम्यान, भाजपचे प्रदेशाध्यक्ष चंद्रकांत पाटील यांनी देखील पंतप्रधानांच्या सुरक्षेवरून पंजाब सरकारव टीका केली आहे. पंजाब सरकार देशाच्या पंतप्रधानांसोबत खेळ खेळतेय हे योग्य नाही, असं पाटील म्हणाले. तसेच कारवाई करण्याची मागणी केली आहे.

पंजाबमध्ये नेमकं काय घडलं? -

''पंजाबमधील फिरोजपूर येथे पंतप्रधान मोदींची सभा आयोजित करण्यात आली होती. हुसैनीवाला येथील राष्ट्रीय शहीद स्मारकापासून सुमारे ३० किलोमीटर अंतरावर पंतप्रधानांचा ताफा उड्डाणपुलावर पोहोचला होता. त्यावेळी काही आंदोलकांनी रस्ता अडवल्याचं दिसून आलं. या आंदोलकांमुळे पंतप्रधान जवळपास 15-20 मिनिटे फ्लायओव्हरवर अडकून पडले होते. पंतप्रधानांच्या सुरक्षेतील ही एक मोठी चूक होती. पंतप्रधानांचे वेळापत्रक आणि त्यांच्या प्रवासाचा आराखडा पंजाब सरकारला अगोदरच कळवण्यात आला होता. प्रोटोकॉलनुसार, त्यांना लॉजिस्टिक, सुरक्षेसाठी आवश्यक व्यवस्था करावी लागते. तसेच ऐनवेळी काही घडल्यास त्यासंदर्भातील योजनाही तयार ठेवावी लागते. मात्र, पंजाब सरकारने यासंदर्भात कसलीही सुरक्षा तैनात केली नव्हती'', असं गृहमंत्रालयानं म्हटलं आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Narendra Modi
loading image
go to top