Ajit Pawar : देवेंद्र फडणवीसांनी आमच्या लोकांची काळजी करु नये; अजित पवारांनी दरडावलं

Ajit Pawar News : कर्नाटक निवडणुकीच्या निमित्ताने उपमुख्यमंत्री देवेंद्र फडणवीस यांनी राष्ट्रवादी काँग्रेस पक्षावर टीका केली होती. त्याला शरद पवार यांनी उत्तर दिलेलं आहे. तर अजित पवार यांनीदेखील त्यांच्या शैलीत देवेंद्र फडणवीसांचा समाचार घेतला.

राष्ट्रवादी महाराष्ट्रात साडेतीन जिल्ह्याचा पक्ष आहे. कर्नाटकात येऊन काय डोंबलं करणार? इथं राष्ट्रवादी काँग्रेस आणि काँग्रेस मिलगीभगत आहे. हे पार्सल महाराष्ट्रात पाठवून द्या, त्याचं काय करायचे बघतो. अशी टीका महाराष्ट्राचे उपमुख्यमंत्री देवेंद्र फडणवीस यांनी निपाणीमधील सभेतून केली होती. त्यांच्या या टीकेचा शरद पवार यांनी चांगलाच समाचार घेतला आहे.

कोण पार्सल आहे हे देवेंद्र फडणवीस यांना निपाणीतून सांगेन. मी निपाणीला जाणार आहे. कोण पार्सल आहे? या सगळ्या संदर्भात मी तिथे बोलणार आहे, असं शरद पवार यांनी म्हटलं आहे. त्यामुळे आता निपाणीत गेल्यानंतर शरद पवार फडणवीसांच्या टीकेला काय उत्तर देणार? याकडेच सर्वांच लक्ष आहे.

याच मुद्द्यावरुन अजित पवार यांना विचारलं असता त्यांनी, फडणवीसांनी आमच्या लोकांची काळजी करण्याची गरज नाही असा टोला लगावला आहे. पुढे बोलतांना ते म्हणाले, सरकारला धोका नाही, असं सांगावं लागतं. मात्र परिस्थिती वेगळी आहे. अधिकाऱ्यांकडून मिळत असलेली माहिती निराळी असल्याचं सांगून अजित पवारांनी खळबळ उडवून दिली.

काय म्हणाले अजित पवार?

• प्रत्येक सरकार धोका नाही, असंच सांगतं

• परंतु अधिकाऱ्यांकडून मिळत असणारी माहिती वेगळी आहे

• निवडणुकीचं वातावरण वेगळ्या दिशेने नेण्याचा राज्यकर्त्यांचा प्रयत्न कर्नाटकात सुरु आहे

• देवेंद्र फडणवीसांनी आमच्या लोकांची काळजी करण्यीच गरज नाही

• समाजासमाजात तेढ निर्माण करण्याचं काम कुणी करु नये

• सरकारने दर्जेदार कामांची बिले काढायला पाहिजेत

• राज ठाकरेंचं ट्विट गांभीर्याने घेण्याची गरज नाही