सबस्क्राईब करा
पंतप्रधान नरेंद्र मोदींनी कारगिलमध्ये जवानांसोबत दिवाळी साजरी केली. त्यानंतर आता मुख्यमंत्री एकनाथ शिंदे हेही गडचिरोलीमध्ये जाऊन दिवाळी साजरी करणार आहे. त्यामुळे आता मुख्यमंत्री शिंदे पंतप्रधान मोदींच्या पावलावर पाऊल ठेवत आहेत, अशा चर्चा रंगत आहेत.
मुख्यमंत्री एकनाथ शिंदे गडचिरोलीतल्या दुर्गम भागातल्या पोलिसांसोबत दिवाळी साजरी करणार आहेत. त्याचबरोबर भामरागडमधल्या पोलिस मदत केंद्रालाही भेट देणार आहेत. त्यानिमित्ताने भामरागडमध्ये आता कडेकोट बंदोबस्त करण्यात आला आहे. एकनाथ शिंदे महाविकास आघाडी सरकारच्या काळात नगरविकास मंत्री होते, तसंच ते गडचिरोली जिल्ह्याचे पालकमंत्री होते.
त्यांच्या पालकमंत्री पदाच्या कार्यकाळात त्यांनी अनेकदा गडचिरोलीला भेट दिली आहे. त्यावेळी त्यांना नक्षलवाद्यांक़डून जीवे मारण्याच्या धमक्याही आल्या होत्या. दरम्यान, पंतप्रधान मोदींशी एकनाथ शिंदेंची तुलना केली जात आहे. कालच पंतप्रधान नरेंद्र मोदी कारगिलमध्ये जाऊन जवानांना भेटले होते. दरवर्षी पंतप्रधान नरेंद्र मोदी जवानांसोबत दिवाळी साजरी करतात. आता मुख्यमंत्री शिंदेही त्यांचंच अनुकरण करत त्यांच्याच पावलावर पाऊल ठेवत असल्याची चर्चा आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.