आता पोलीस कर्मचारीही करणार 'वर्क फ्रॉम होम': दिलीप वळसे पाटील| WFH | Sakal
sakal

बोलून बातमी शोधा

Work From Home

आता पोलीस कर्मचारीही करणार 'वर्क फ्रॉम होम': दिलीप वळसे पाटील

मुंबई : देशासह राज्यात वाढणाऱ्या कोरोनाच्या रूग्णांमुळे केंद्रासह विविध राज्यांनी (Corona Cases Raised In Maharashtra )सानधानतेचा प्रवित्रा घेतला आहे, तसेच रूग्णसंख्येला खीळ बसावी यादृष्टिने अनेक निर्बंध देखील लागू करण्यात आले आहेत. दरम्यान, गेल्या काही दिवसांपासून राज्यातील पोलीस कर्मचारी मोठ्या प्रमाणावर कोरोना पॉझिटिव्ह येत आहेत. त्या अनुशंगाने राज्यातील 55 वर्षांवरील पोलीस कर्मचाऱ्यांना वर्क फ्रॉम होम करण्याचा निर्णय घेण्यात आला आहे, अशी माहिती राज्याचे गृहमंत्री दिलीप वळसे (Dilip Walse Patil) पाटील यांनी दिली आहे. पोलीस दलातील 55 वर्षांवरील अधिकारी आणि कर्मचाऱ्यांना वर्क फ्रॉम होम लागू करण्याचा आदेश देण्यात आला आहे. (Maharashtra Corona News In Marathi)

हेही वाचा: लॉकडाउनबद्दल मुख्यमंत्री, उपमुख्यमंत्री काय म्हणाले?

ते म्हणले की, राज्यात गेल्या काही दिवसांपासून पोलीस दलातील कर्मचारी कोरोना पॉझिटिव्ह होण्याचे प्रमाण नक्कीच वाढले आहे. त्यामुळे पोलीस कर्मचाऱ्यांच्या आरोग्याच्यादृष्टीने 55 वर्षांवरील सर्व पोलीस कर्मचाऱ्यांना वर्क फ्रॉम होम (Work From Home) करण्याचा निर्णय घेण्यात आला आहे. यापूर्वी देखील अशा पद्धतीचा निर्णय घेण्यात आला होता, असे ते म्हणाले. (Maharashtra Police)

हेही वाचा: ओमिक्रॉन सौम्य आहे म्हणणं घातक - WHO

यापूर्वीच्या कोरोनाच्या लाटांमध्ये (Corona Wave) ज्या पद्धतीने पोलीस कर्मचाऱ्यांच्या आरोग्याची काळजी घेतली जात होती, त्याच प्रमाणे यावेळी देखील काळजी घेण्यात येत असल्याचे त्यांनी यावेळी सांगितले. दरम्यान, राज्यातील नागरिकांनी कोरोना नियमांचे (Covid 19 Protocol) तंतोतंत पालन करण्याचे आवाहन देखील वळसे पाटील यांनी यावेळी केले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top