'लफंगा, चोर; कसाबपेक्षा मोठा गुन्हा', राऊत सोमय्यांवर भडकले

नवी दिल्ली : ईडीने संजय राऊतांची मालमत्ता (ED Raid on Sanjay Raut) जप्त केली आहे. त्यानंतर संजय राऊतांनी (Sanjay Raut) आक्रमक भूमिका घेतली असून किरीट सोमय्यांवर (Kirit Somaiya) हल्लाबोल केला आहे. तसेच सोमय्यांवर टीका करताना राऊतांची जीभ घसरली. हा देशद्रोही माणूस लोकांची फसणवूक करतो. त्यांच्यावर देशद्रोहाचा गुन्हा दाखल व्हावा, असं संजय राऊत म्हणाले.(Sanjay Raut on Kirit Somaiya)

''भाजपचा माणूस राजभवनात बसला आहे. आमचे पक्षप्रमुख तिथे बसलेले नाहीत. कोट्यवधी रुपये जमा झालेले नाहीत. या माणसानं त्याचं डोकं आणि मेंदू तपासून घ्यावा. तुम्ही दाखवता ते पुरावे. आम्ही दाखवतो ते शेंगदाण्याचे कागद आहेत का? हा माणसू वेडा आहे. किरीट सोमय्या महाराष्ट्राला लागेलली किड आहे. त्यांना आमची शिवसेना संपवणार. हा माणूस मला पराक्रम सांगतोय का? हा देशद्रोही आहे. हा लफंगा चोर विक्रांतच्या नावावर पैसे गोळा करतो. हजारो सैनिकांच्या रक्ताचा अपमान आहे. कसाबपेक्षा मोठा गुन्हा आहे हा'', असे गंभीर आरोप संजय राऊतांनी केले आहेत. तसेच सोमय्यांचा एकेरी उल्लेख केला आहे.

''हा लफंगा माणूस मला पुरावे मागतोय. किरीट सोमय्याची मला पुरावे मागण्याची लायकी आहे का? आम्ही तुमचा भ्रष्टाचार बाहेर काढल्यावर तुम्हाला त्रास होतोय का? राजभवनातून आलेलं पत्राचा पुरावा आमच्याकडे आहे. हा देशद्रोहाचा गुन्हा आहे. त्यांच्यावर कारवाई व्हायला पाहिजे. मुंबईला महाराष्ट्रापासून दूर करण्याचा प्रयत्न केला जातो. त्याचे मुख्य सूत्रधार किरीट सोमय्या आहेत'', असा आरोपही राऊतांनी केला आहे. तसेच सोमय्यांवर टीका करताना राऊतांची जीभ घसरली. त्यांनी काही आक्षेपार्ह शब्द देखील वापरले.