Nitin Gadkari: नितीन गडकरींच्या पराभवासाठी मोदी, शाह, फडणवीसांनी आखला होता डाव? राजकारणातील खळबळजनक दावा!

Nitin Gadkari

शिनसेना ठाकरे गटाच्या मुखपत्रातून मोठा दावा करण्यात आला आहे. भाजपच्या अंतर्गत राजकारणावर ठाकरे गटाने टीका केली आहे. नितीन गडकरी यांच्या पराभवासाठी नरेंद्र मोदी, अमित शाह आणि देवेंद्र फडणवीसांकडून प्रयत्न करण्यात आले, असा दावा शिवसेनेच्या (ठाकरे गट) मुखपत्रात करण्यात आले.

" ४ जूननंतर भाजपमध्ये अंतर्गत नरेंद्र मोदी आणि अमित शाह यांना यांना पाठिंबा राहणार नाही. नितीन गडकरी यांचा नागपुरात पराभव व्हावा, यासाठी मोदी-शाह आणि फडणवीसांनी एकत्र प्रयत्न केले. मात्र नितीन गडकरी यांचा पराभव होत नाही, याची खात्री आल्यानंतर फडणवीस नाईलाजाने प्रचारासाठी मैदानात उतरले", असा खळबळजनक दावा ठाकरे गटाच्या मुखपत्रात करण्यात आला आहे.

नितीग गडकरी यांच्या पराभवासाठी सर्व रसद फडणवीस यांनी पुरवली. संघाचे लोक नागपुरात हे उघडपणे बोलत असल्याचे देखील मुखपत्रात म्हटले आहे.

तसेच जे गडकरींचे तेच योगींचे देखील होईल. अमित शाह यांच्या हाती पुन्हा सत्ता आली तर ते योगींना घरी बसवतील. त्यामुळे योगींना वाचवण्यासाठी मोदींना जावे लागले, असा संदेश योगी समर्थक फिरवत आहेत. उत्तर प्रदेशात भाजपला ३० जागांचा फटका नक्की बसणार आहे. मोदी शहांना घालवा, असे योगी आणि त्यांच्या लोकांनी ठरवल्याचे देखील ठाकरे गटाने म्हटले आहे.