Maharashtra Politics : खडसे-अमित शाह यांच्यात खलबतं; पुन्हा भाजपा प्रवेशाची चर्चा? | Sakal
sakal

बोलून बातमी शोधा

Eknath Khadse Amit Shah
Maharashtra Politics : खडसे-अमित शाह यांच्यात खलबतं; पुन्हा भाजपा प्रवेशाची चर्चा?

Maharashtra Politics : खडसे-अमित शाह यांच्यात खलबतं; पुन्हा भाजपात प्रवेश करणार?

एकनाथ खडसे आणि रक्षा खडसे यांनी काही दिवसांपूर्वी गृहमंत्री अमित शाह यांची भेट घेतल्याचं विधान मुक्ताईनगरचे आमदार चंद्रकांत पाटील यांनी केलं होतं. आता भाजपाच्या खासदार रक्षा खडसे यांनी या भेटीची पुष्टी केली आहे. एकनाथ खडसेंसोबत भेट झाली नाही, पण फोनवरुन चर्चा झाल्याचं रक्षा खडसे यांनी सांगितलं आहे.

दिल्लीत अमित शाहांची भेट झाली नाही, पण फोनवरुन चर्चा झाल्याचं रक्षा खडसे म्हणाल्या. अमित शाहांच्या व्यस्त कार्यक्रमामुळे शाहांची भेट होऊ शकली नाही. फोनवरुन काय चर्चा झाली, याबद्दल विचारलं असता रक्षा खडसेंनी उत्तर देणं टाळलं. तसंच खडसे भाजपामध्ये परतणार का यावर मात्र त्यांनी संदिग्ध उत्तर दिलं. मला त्याबद्दल माहिती नाही. मात्र सध्या तरी मी भाजपात आणि एकनाथ खडसे राष्ट्रवादीत आहेत, असं उत्तर रक्षा खडसे यांनी दिलं आहे.

आमदार चंद्रकांत पाटील यांनी खडसे आणि अमित शाह भेटीबद्दल वक्तव्य केलं होतं. या वक्तव्यानंतर खडसे पुन्हा भाजपामध्ये जाण्याच्या चर्चा सुरू होत्या. या विधानानंतर खडसे यांनी आपण अमित शाह यांची भेट घेतल्याचं मान्य केलं होतं. शिवाय आपले भाजपा नेत्यांसोबत चांगले जवळचे संबंध असल्याची कबुलीही त्यांनी दिली होती. ते देशाचे गृहमंत्री आहे, त्यामुळे आपण त्यांची भेट घेतच राहणार आहोत, असं एकनाथ खडसे म्हणाले होते.

Web Title: Eknath Khadse Met Home Minister Amit Shah Bjp Entry Maharashtra Politics

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..