गोपीनाथ मुंडेंनी शेटजी, भटजींचा पक्ष बहुजनांचा करून दाखवला : खडसे

परळी : गोपीनाथ मुंडे यांच्याशिवाय आता आम्हाला काम करावे लागत आहे. गोपीनाथ मुंडे यांनी शेटजी, भटजींचा पक्ष हा बहुजनांचा करून दाखवला, असे भाजपचे ज्येष्ठ नेते एकनाथ खडसे यांनी म्हटले आहे.

ताज्या बातम्यांसाठी डाऊनलोड करा ई-सकाळच ऍप 

गोपीनाथ मुंडे यांच्या जयंतीनिमित्त आज (गुरुवार) गोपीनाथ गडावर मेळावा होत आहे. या मेळाव्याला गोपीनाथ मुंडे यांची कन्या पंकजा मुंडे संबोधित करणार आहेत. या मेळाव्यासाठी भाजपचे प्रदेशाध्यक्ष चंद्रकांत पाटील, एकनाथ खडसे, प्रकाश मेहता यांच्यासारखे प्रमुख नेते उपस्थित आहेत. 

पंतप्रधान मोदी यांनी शरद पवार यांना पाहा काय दिल्या शुभेच्छा!

यावेळी बोलताना खडसे म्हणाले, गोपीनाथ मुंडे हे आज असते तर आमच्यासारख्या ज्येष्ठ नेत्यांवर ही वेळ आली नसती. मुंडेंची पाठीत खंजीर खुपण्याची वृत्ती नव्हती. मुंडेंनी हसतखेळत राजकारण केले. आम्हाला तिकीट दिले नाही त्यामागे राजकारण आहे. या पाच वर्षात सरकार गेले. आमची तिकिट कापली गेली. पंकजा, रोहिणीचा पराभव केला गेला. आता राज्यात सत्ता, पैसा, ताकद, युती असताना आमचा पराभव झाला. ज्यांनी महाराष्ट्राच नेतृत्व केले त्यांनी आता हि पराभवाची जबाबदारी घ्यावी. गेल्या महिनाभरात आम्ही बरेच काही पाहिले आहे. माझ्या मुलीला न मागताही तिकिट देण्यात आले.