Maharashtra Politics | "So Called चाणक्य/बडवे..."; एकनाथ शिंदेंचा संजय राऊतांवर थेट निशाणा | Sakal
sakal

बोलून बातमी शोधा

Eknath Shinde VS Sanjay Raut
"So Called चाणक्य/बडवे..."; एकनाथ शिंदेंचा संजय राऊतांवर थेट निशाणा

"So Called चाणक्य/बडवे..."; एकनाथ शिंदेंचा संजय राऊतांवर थेट निशाणा

बंड केलेले शिवसेना नेते आणि राज्याचे नगरविकास मंत्री एकनाथ शिंदे ऐतिहासिक सत्ताबदलाच्या दिशेने जाण्याची चिन्हं आहेत. त्यांनी महाविकास आघाडीतल्या राष्ट्रवादी- काँग्रेसबद्दल नाराजी व्यक्त केली आहे. मात्र शिवसेना नेतृत्वावर आपण नाराज नाही, असंही ते म्हणाले होते. आता या नाराजीनाट्यात संजय राऊतांचीही एन्ट्री झालेली दिसत आहे. (Eknath Shinde Slams Shivsena MP Sanjay Raut)

हेही वाचा: Maharashtra Politics LIVE : देवेंद्र फडणवीस अॅक्टिव्ह, सागर बंगल्यावर भाजप नेते दाखल

एकनाथ शिंदेंनी (Eknath Shinde) नुकतंच ट्वीट करत एक पत्र शेअर केलं आहे. शिवसेनेचे बंडखोर आमदार संजय शिरसाट (MLA Sanjay Shirsat) यांनी मुख्यमंत्री उद्धव ठाकरेंना लिहिलेलं ते पत्र आहे. या पत्रातून केलेला उल्लेख म्हणजे संजय राऊतांवर साधलेला थेट निशाणा असल्याचं दिसत आहे. अडीच वर्षे तुमच्या बंगल्यात प्रवेश करण्यासाठी आम्हाला तुमच्या आजूबाजूला असलेल्या, लोकांमधून निवडून न येणाऱ्या, विधान परिषद आणि राज्यसभेत आमच्या जीवावर जाणाऱ्या बडव्यांची मनधरणी करायला लागत होती. हेच So called (चाणक्य, कारकून) बडवे आम्हाला डावलून राज्यसभा आणि विधान परिषद निवडणुकीची रणनीती ठरवत होते, असा उल्लेख या पत्रात आहे.

हेही वाचा: ही दारं गेल्या अडीच वर्षांपासून आमदारांसाठी बंद होती, एकनाथ शिंदेंनी पत्रच शेअर केलं

मतदारसंघातील कामं, इतर प्रश्न, वैयक्तिक अडचणींसाठी सीएम साहेबांना भेटायंचं आहे अशी अनेक वेळा विनवणी केल्यानंतर वर्षा बंगल्यावर तुम्हाला बोलवलंय, असा निरोप बडव्यांकडून यायचा. पण तासनसात बंगल्यावर गेटवर उभं ठेवलं जायचं. बडव्यांना अनेक वेळा फोन केला तर बडवे फोन रिसिव्ह करत नसायचे. शेवटी कंटाळून आम्ही निघून जायचो. स्वपक्षीय आमदारांना अशी अपमानास्पद वागणूक का? असा सवालही या पत्रातून उपस्थित केला आहे.

Web Title: Eknath Shinde Letter To Cm Uddhav Thackeray Shivsena Sanjay Raut Maharashtra Politics

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top