कोरोनाच्या काळात सदैव कार्यरत असणाऱ्या याच कर्मचाऱ्यांमुळे नागरिकांना सर्व सुविधा वेळेत मिळाल्या. त्यामुळे या कर्मचाऱ्यांची सुरक्षा तसेच त्यांच्या कुटुंबीयांच्या भवितव्याबाबत ऊर्जा विभाग गंभीर असून, त्यादृष्टीने हा महत्त्वपूर्ण निर्णय घेण्यात आला.
नागपूर : अखंडित वीज उत्पादनाचे कर्तव्य बजावताना कोरोनामुळे मृत्यू झाल्यास महानिर्मिती कर्मचाऱ्यांच्या वारसांना 30 लाखांचे सानुग्रह अनुदान देण्याची घोषणा ऊर्जामंत्री डॉ. नितीन राऊत यांनी केली आहे. महानिर्मितीमध्ये विविध कंत्राटदारांमार्फत कार्यरत बाह्यस्त्रोत (कंत्राटी) कामगार आणि सुरक्षा रक्षकांचा मृत्यू कोरोनामुळे झाल्यास त्यांच्या वारसांनाही 30 लाखांचे अनुदान सहाय्य पुरविण्यात येणार आहे.
कोरोनाच्या सार्वत्रिक साथीमध्ये वीज उत्पादनाच्या प्रक्रियेत अनेक महत्त्वाच्या जबाबदाऱ्या पार पाडण्यासाठी मोठ्या प्रमाणावर मनुष्यबळ जोखीम पत्करून कर्तव्य बजावत आहेत. कोरोनाच्या काळात सदैव कार्यरत असणाऱ्या याच कर्मचाऱ्यांमुळे नागरिकांना सर्व सुविधा वेळेत मिळाल्या. त्यामुळे या कर्मचाऱ्यांची सुरक्षा तसेच त्यांच्या कुटुंबीयांच्या भवितव्याबाबत ऊर्जा विभाग गंभीर असून, त्यादृष्टीने हा महत्त्वपूर्ण निर्णय घेण्यात आला.
प्रेमिकेला भेटण्यासाठी मुले घेतात मुलींचा वेश, या जिल्ह्यात आहे हा खास रस्ता
महानिर्मितीमध्ये तांत्रिक तसेच अतांत्रिक संवर्गांमध्ये कार्यरत असणारे सर्व अधिकारी व कर्मचाऱ्यांना हे सानुग्रह अनुदान लागू असेल. यासाठी मृत्यूचे कारण हे कोविड-19 विषाणूशी संबंधित असल्याचे वैद्यकीय प्रमाणपत्र शासकीय, पालिका, महानगरपालिका, आयसीएमआर नोंदणीकृत खासगी रुग्णालये, प्रयोगशाळा यांच्याकडून प्राप्त अहवालाच्या आधारे सादर करणे बंधनकारक आहे. सानुग्रह अनुदानाच्या लाभासाठी कामावरील उपस्थितीबाबत असणाऱ्या अटी व शर्ती या महाराष्ट्र शासन निर्णयानुसार राहतील, असे महानिर्मितीने स्पष्ट केले आहे.
