विठ्ठल दर्शनासाठी निघालेल्या वारकऱ्यांच्या टेम्पेला अपघात; पाच ठार
बेळगाव : कार्तिक वारीनिमित्त पंढरपूरला जाणाऱ्या वारकऱ्यांच्या टेम्पोला भीषण अपघात होऊन मंडोळी आणि हंगरगे ( ता. बेळगाव) येथील पाचजण जागीच ठार तर, सातजण गंभीर जखमी झाले आहेत. हा अपघात संगोल्या पासून दहा किलोमीटर अंतरावर घडला असून मृतांचा आकडा वाढण्याची भीती व्यक्त करण्यात येत आहे. मात्र, अद्याप मृतांची समजू शकली नाहीत.
कार्तिकी वारीनिमित्त मंडोळी येथील वारकरी हंगरगेच्या बुलेरो टेम्पोतून बारा जण गुरुवारी (7 नोव्हेंबर) रात्री पंढरपूरला निघाले होते. संगोल्यापासून दहा किलोमीटर अंतरावर विटांची वाहतूक करणाऱ्या ट्रकटरच्या ट्रॉलीला टेम्पोने मागून जोराची धडक दिली. धडक इतकी भीषण होती की टेम्पोचा अक्षरशः चक्काचूर झाला. यात टेम्पो चालकासह पाचजण जागीच ठार झाले. सात जण गंभीर जखमी झाले. अपघातातनंतर काहींनी बचावकार्य सुरू केले. मात्र, टेम्पोच्या पत्र्यात अडकून पडलेले मृतदेह आणि जखमींना बाहेर काढण्यात अडचणी निर्माण झाल्या. अपघातानंतर महामार्गवर वाहतुकीची कोंडी निर्माण झाली होती. स्थानिक पोलिसांनी घटनास्थळी धाव घेऊन मृतांना बाहेर काढत जखमींना रुग्णालयात दाखल केले. पंढरपूरला जाणाऱ्या बेळगावच्या इतर वाहन चालकांना अपघाताची माहिती मिळताच मंडोळी आणि हंगरगे गावात संपर्क साधून ही माहिती देण्यात आली. त्यामुळे दोन्ही गावावर शोककळा पसरली आहे. मृतांचे नातेवाईक नाही गावकरी घटनास्थळी रवाना होत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.