ठाकरेंच्या नावाने फसवणुकीचा प्रयत्न..

मुंबई: शिवसेना नेते आणि माजी मंत्री आदित्य ठाकरे यांचं नाव वापरुन दादरच्या एका तरुणाकडे आर्थिक मदत मागितल्याचं उघडकीस आलं आहे. एका आंतरराष्ट्रीय कुस्ती पटुला अनोळखी नंबर वरून आदित्य ठाकरे असल्याचे भासवत पैसे उकळण्याच्या प्रयत्ना विरूद्ध गुन्हा दादर पोळी ठाण्यात दाखल करण्यात आला आहे.

कुस्तीपटूची फसवणूक

दिपेश जांबळे या कुस्तीपटूने दादर पोलिसात तक्रार दाखल केली आहे. वरळी कोळीवाडा येथील 24 वर्षीय दिपेश जांभळे या कुस्तीपटूने आंतरराष्ट्रीय स्तरावर विविध स्पर्धांमध्ये पदकं मिळवली आहेत. दरम्यान त्याचा उद्धव ठाकरे, आदित्य ठाकरेंच्या हस्ते सन्मान देखील झालेला आहे.

दिपेश जांबळे याला 23 ऑगस्ट रोजी रात्री 10 वाजून 25 मिनिटांच्या सुमारास व्हॉट्सअॅपवर मेसेज आला. व्हॉट्सअॅप स्टेटसवरील डिस्प्ले पिक्चरमध्ये शिवसेना पक्षप्रमुख उद्धव ठाकरे आणि त्यांचे सुपुत्र आदित्य ठाकरे यांचा फोटो होता.

ठाकरेंच्या नावाने फसवणुकीचा प्रयत्न

आपण आदित्य ठाकरे असल्याचं भासवणार्‍या व्यक्तीने त्याला मेसेज करून आपल्याला मित्राला काही रक्कम ऑनलाईन ट्रान्सफर करायची आहे. मात्र नेट बॅंकिंग काम करत नसल्याने 25 हजार रूपये ट्रान्स्फर करण्याची विनंती केली. हा व्यवहार पेटीएम द्वारा करण्यासाठी सांगण्यात आले तसेच आणि दुसर्‍या दिवशी पैसे परत दिले जातील आश्वासन सुद्धा दिले.

दिपेशला हा प्रकार संशयास्पद वाटला आणि दिपेशने दादर पोलिस स्टेशन मध्ये तक्रार नोंदवली. पोलिसांनी या प्रकरणी कलम 417, 419, 511, 66 (C), 66 (D) अंतर्गत गुन्हा दाखल आहे. पोलिस ज्या मोबाईल क्रमांकावरून मेसेज करण्यात आले त्याचा शोध घेत आहेत.