Ganesh Chaturthi : यंदा बाप्पाचं आगमन 19 दिवसांनी लांबणार; 'या' कारणामुळं सणात विघ्न, 28 सप्टेंबरला विसर्जन

हिंदू पंचांगानुसार (Hindu Panchang) यंदा मराठी वर्ष १३ महिन्यांचे असणार आहे.
Ganesh Chaturthi 2023
Ganesh Chaturthi 2023esakal
Summary

यंदा श्रावणातील धार्मिक व शुभकार्ये श्रावणाच्या पहिल्या महिन्यात न होता दुसऱ्या महिन्यात होणार आहेत.

चिपळूण : १९ वर्षांनंतर आलेल्या अधिक मासामुळे यंदा गणपती बाप्पाचे (Ganesh Chaturthi 2023) आगमन गतवर्षीपेक्षा १९ दिवसांनी लांबणार आहे. गेल्यावर्षी ३१ ऑगस्टला गणेशाचे आगमन झाले होते. यंदा १९ सप्टेंबरला गणेशाचे आगमन होणार आहे.

Ganesh Chaturthi 2023
NCP Crisis : राष्ट्रवादीत उभी फूट; अजितदादांची ताकद भाजपच्या पथ्यावर? थोरल्या पवारांचा 'हा' गड अभेद्य!

दर तीन वर्षांनी अधिक मास येतो. यंदा हा मास श्रावण महिन्यात (Shravan month) आला असून, १९ वर्षांनंतर हा योग आला आहे. हिंदू पंचांगानुसार (Hindu Panchang) यंदा मराठी वर्ष १३ महिन्यांचे असणार आहे. यंदा श्रावण महिन्यात अधिक महिना आला आहे. त्यामुळे श्रावण महिना तब्बल ५९ दिवसांचा असणार आहे.

त्यामुळे यावर्षी श्रावणाचे दोन महिने मानले जाणार आहेत. त्यामुळे यंदा श्रावणातील धार्मिक व शुभकार्ये श्रावणाच्या पहिल्या महिन्यात न होता दुसऱ्या महिन्यात होणार आहेत. यावर्षी मंगळवारी, (ता. १८) जुलैपासून अधिक मास सुरू होणार असून, तो १६ ऑगस्टला संपणार आहे तर २६ ऑगस्टला अधिक मासाची सांगता होणार आहे.

Ganesh Chaturthi 2023
Jain Muni Case : शरीराचे तुकडे करुन जैन मुनींची निर्घृण हत्या; गृहमंत्री म्हणाले, 'CBI कडं तपास देणार नाही'

याचा परिणाम हिंदू सणांवरही होणार आहे. रक्षाबंधनाचा सण अधिक मास आल्याने ४६ दिवसांनंतर म्हणजेच ३० ऑगस्टला होणार आहे. याचबरोबर गणेशाचे आगमनही लांबणार आहे. यंदा श्रावणात आलेल्या अधिक मासामुळे विघ्नहर्त्याचेही आगमन लांबले आहे.

Ganesh Chaturthi 2023
Uday Samant : नेता असावा तर असा! सामंतांच्या रूपात 'देवमाणूस' धावून आला अन् शालिनीला मिळालं नवं आयुष्य

भक्तांना तब्बल १९ दिवस प्रतीक्षा करावी लागणार आहे. यंदा १९ ला गणेश चतुर्थी आली आहे तर पाचव्या दिवशी म्हणजे २३ ला गौरी-गणपतींचे विसर्जन होणार आहे तर दहा दिवसांच्या बाप्पांना २८ सप्टेंबरला निरोप दिला जाणार आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com