कोकणवासीयांचा प्रवास होणार सुखकर; मुंबई-गोवा महामार्गावर अवजड वाहनांना बंदी | Sakal
sakal

बोलून बातमी शोधा

कोकणवासीयांचा प्रवास होणार सुखकर; मुंबई-गोवा महामार्गावर अवजड वाहनांना बंदी

कोकणवासीयांचा प्रवास होणार सुखकर; मुंबई-गोवा महामार्गावर अवजड वाहनांना बंदी

Heavy Vehicles Ban On Mumbai Goa Highway : आगामी गणपतीकाळात वाहतूक कोंडीची समस्या उद्भवू नये यासाठी अवजड वाहनांबाबत महत्त्वाचा निर्णय घेण्यात आला आहे. त्यानुसार मुंबई-गोवा महामार्गावर अवजड वाहनांना 27 ऑगस्ट ते 31 ऑगस्टदरम्यान बंदी घालण्याचा निर्णय घेण्यात आला आहे. उत्सावासाठी कोकणात जाणाऱ्या नागरिकांना कोणत्याही प्रकारच्या त्रासाला सामोरे जावे लागू नये यासाठी पोलीस आणि यंत्रणा सज्ज ठेवण्यात येणार आहे.

हेही वाचा: Ganpati Decoration Ideas 2022: घरच्या घरी 'या' सोप्या आयडिया वापरून करा गणपती बाप्पासाठी खास सजावट

या वाहनांना असणार बंदी

उत्सवकाळात वाहतूक कोंडी होऊ नये यासाठी मुंबई-गोवा महामार्गावर ज्या वाहनांची वजनक्षमता 16 टन किंवा 16 टनापेक्षा जास्त असणाऱ्या अवजड वाहनांवर बंदी घालण्यात आली आहे. यामध्ये प्रामुख्याने ट्रक, मल्टी एक्सल, ट्रेलर आदी वाहनांचा समावेश असणार आहे. याशिवाय पनवेल ते इन्सुली सावंतवाडी या राष्ट्रीय महामार्गासाठी पनवेल ते सिंधुदुर्गवरुन होणाऱ्या वाळूच्या ट्रक, ट्रेलरच्या वाहतुकीबाबतदेखील मोटार वाहन अधिनियम, 1988 च्या कलम 1915 मधील तरतुदींचा वापर करुन महाराष्ट्र शासन आदेश जारी केले आहे.

दरम्यान, अवजड वाहनांच्या निर्बंधांमधून दूध, पेट्रोल, डिझेल, स्वयंपाकाचा गॅस सिलेंडर, लिक्वीड मेडिकल ऑक्सिजन, अन्न धान्य, भाजीपाला आणि नाशवंत माल इत्यादी जीवनावश्यक वस्तू वाहून नेणाऱ्या अवजड वाहनांना वगळण्यात आले आहे.

हेही वाचा: Ganeshotsav 2022 : गणेशोत्सवाच्या तोंडावर सोलापूरात रडतोय बाप्पा

कोकणी लोकांसाठी गणेशोत्सव हा सर्वाधिक मोठा उत्सव आहे. यानिमित्त मुंबई, ठाणे, पुणे येथील बहुतांश चाकरमानी मोठ्या संख्येने कोकणात जात असतात. यामुळे मुंबई-गोवा महामार्गावर वाहनांची संख्या लक्षणीय असते. त्यात जर एखादे अवजड वाहन बंद पडले तर, त्याचा परिणाम सर्व वाहतूकीवर होतो आणि कोंडी होते. त्यामुळे नागरिकांना नाहक त्रासाला सामोरे जावे लागते. या सर्व बाबी लक्षात घेता 27 ऑगस्ट ते 31 ऑगस्ट दरम्यान मुंबई-गोवा महामार्गावर अवजड वाहतूक बंद ठेवण्यात येणार आहे.

Web Title: Ganpati Festival Heavy Vehicles Bans On Mumbai Goa Highway From 27 August To 31 August 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..