Gautami Patil Video : नाचता-नाचता गौतमीचा तोल गेला; व्हिडीओ Viral

सांगलीः नृत्यांगना गौतमी पाटील हिच्या नृत्यावर तरुणाई फिदा असते. राज्यातल्या कुठल्याही भागात गौतमीचा कार्यक्रम असेल तर गर्दी असतेच असते. काल तिच्या कार्यक्रमादरम्यान एक दुर्घटना घडली.

सध्या गौतमी दहीहंडीच्या कार्यक्रमांमध्ये व्यस्त आहे. परवा मुंबईतही तीने अनेक कार्यक्रम केले. काल सांगलीमध्ये झालेल्या कार्यक्रमात ती स्टेजवरच कोसळली. याचा व्हिडीओ सोशल मीडियामध्ये व्हायरल झाले आहे.

सांगलीतल्या तरुण भारत स्टेडियम येथे दहीहंडी कार्यक्रमाचं आयोजन करण्यात आलेलं होतं. खास गौतमी पाटीलच्या स्टेज शोला तुफान गर्दी झालेली होती. उपस्थितदेखील तिच्यासोबत ठेका धरत होते. मात्र अचानक ती स्टेजवर कोसळली. तिच्या बॉडीगार्डसनी तिला तातडीने सावरलं.

'फनटास्टिक म्हणतोय मला ह्यो पाव्हणा झालाय पागल पुरा' या गाण्यावर गौतमी सादरीकरण करत होती. समोरचे लोकही बेभान होऊन नाचत होते. तेवढ्या ती स्टेजच्या पुढच्या भागात आली आणि तिचा पाय घसरला. बॉडीगार्डसनी तिला तातडीने सावरलं आणि तीने पुन्हा नृत्य सुरु केलं.