उच्चशिक्षण मंत्री मंत्री उदय सामंत यांच्या गाडीला अपघात

मुंबई: उच्च व तंत्रशिक्षणमंत्री उदय सामंत यांच्या गाडीला अपघात झाल्याची घटना घडली आहे. मुंबईमध्ये एका कार्यक्रमाला जात असताना हा अपघात झाला आहे. ही घटना आता रात्री ८ वाजताच्या सुमारास घडली आहे. स्पेशल सिक्युरिटी युनिटची गाडी ब्रेक फेल होऊन ती उदय सामंत यांच्या गाडीवर आदळली आणि त्यामुळे हा अपघात घडल्याची प्राथमिक माहिती आहे.

या गाडीत उदय सामंत एकटेच होते. या दुर्घटनेमध्ये सामंत यांना कसल्याही प्रकारची दुखापत झालेली नसून ते एकदम सुखरूप आहेत. मात्र, त्यांना मुका मार लागला असून ते सुरक्षित आहेत. मात्र, सिक्युरिटी ऑफिसरला दुखापत झाली आहे. सध्या त्यांच्यावर कूपर हॉस्पिटलमध्ये उपचार चालू आहेत. उदय सामंत यांचे संरक्षण करणाऱ्या सर्वांचा औषधोपचाराचा खर्च स्वत: उदय सामंत करणार असल्याचीही माहिती आहे.