कृष्ण प्रकाश यांच्या 'त्या' व्हायरल पत्राची गृहसचिवांमार्फत होणार चौकशी | Krishna Prakash | Sakal
sakal

बोलून बातमी शोधा

krishna-prakash
कृष्ण प्रकाश यांच्या 'त्या' व्हायरल पत्राची गृहसचिवांमार्फत होणार चौकशी | Krishna Prakash

कृष्ण प्रकाश यांच्या 'त्या' व्हायरल पत्राची गृहसचिवांमार्फत होणार चौकशी

पिंपरी: पिंपरी-चिंचवडचे माजी पोलिस आयुक्त कृष्ण प्रकाश यांनी दोनशे कोटी उकळल्याच्या व्हायरल झालेल्या पत्राची राज्याच्या गृह सचिवांमार्फत चौकशी होणार असल्याची माहिती माजी आमदार गौतम चाबुकस्वार यांनी दिली.

काय आहे प्रकरण:

पिंपरी-चिंचवडचे पोलिस आयुक्त त्यांनी दीड वर्षांच्या कालावधीत वादग्रस्त जमिनींच्या खरेदी-विक्रीतून दोनशे कोटी रुपयांची कमाई केल्याचा दावा या पत्रात करण्यात आला होता. त्यामुळे पोलिस दलातच नव्हे,तर शहरातही प्रचंड खळबळ उडाली होता. (Home Secretary will investigate Krishna Prakash's viral letter)

हेही वाचा: माझी बदली नियमाला धरून नाही : कृष्ण प्रकाश

या पत्रातील दाव्यानुसार या अवैध वसूलीत चार एसीपी आणि चार पत्रकार यांचाही हातभार आहे. आपले काळेधंदे उघड होऊ नयेत, तसेच आपली प्रतिमा उंचावलेली ठेवण्यासाठी या पत्रकारांना दरमहा लाखो रुपये दिले जात असल्याचा आरोप लेटरमध्ये करण्यात आला आहे.

पिंपरी-चिंचवडमधील आयुक्तांच्या कारभाराबाबत वक्तव्ये करणारी पत्र व्हायरल होण्याचा परंपरा कायम राहिली आहे. या आधीच्या आयुक्तांबाबतही अशीच पत्रे व्हायरल झाली होती. कृष्ण प्रकाश यांची पिंपरी-चिंचवड पोलिस आयुक्तपदावरून व्हीआयपी सुरक्षा विभागात बदली झाली आहे. ही बदली रद्द करण्यासाठी ते प्रयत्नशील आहेत. त्याआधीच त्यांच्यावर वार करण्यात आले आहेत. या पत्रामागे पोलिस दलातील वैमनस्य तर कारणीभूत नाही ना, अशीही चर्चा आहे.

हेही वाचा: कृष्ण प्रकाश यांनी कोट्यवधी रुपये उकळले : आमदार अण्णा बनसोडे

व्हायरल लेटरवर पोलीस आयुक्त कृष्ण प्रकाश यांची प्रतिक्रिया:

पिंपरी चिंचवडचे माजी पोलीस आयुक्त कृष्ण प्रकाश (Krishna Prakash) यांच्यावर 200 कोटींच्या वसुलीचे गंभीर आरोप करणारे पत्र व्हायरल झाल्यानंतर एकच खळबळ उडाली होती. त्यानंतर आता या सर्व प्रकरणावर सध्या मुंबईचे पोलीस महानिरीक्षक म्हणून काम करत असलेल्या कृष्ण प्रकाश यांनी प्रतिक्रिया दिली असून, व्हायरल होणारं हे पत्र खोटं असल्याचे म्हटले आहे. तसेच हे खोटे पत्र लिहणाऱ्या आरोपीवर गुन्हा दाखल करण्यासाठी लेखी तक्रार डोंगरे यांनी पोलीस आयुक्तांकडे केली आहे.

Web Title: Home Secretary Will Investigate Krishna Prakashs Viral Letter

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top