NCP Ajit Pawar : अजित पवारांसोबत राष्ट्रवादीचे किती आमदार आणि कुठले नेते फुटले?

राज्याच्या राजकारणात दुसऱ्यांदा मोठा भूकंप झाला आहे. राष्ट्रवादी काँग्रेस शिवसेना आणि भाजपच्या युतीत सामील झाले आहेत. अजित पवार शिंदे फडणवीस सरकारमध्ये उपमुख्यमंत्रीपदाची शपथ घेण्याची शक्यता वर्तवली जात आहे. अजित पवार हे राजभवनावर दाखल झाले आहेत. त्यांच्यापाठोपाठ मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे सुद्धा राजभवनाकडे रवाना झाले आहेत. (Latest Marathi News)

तर राष्ट्रवादी काँग्रेसचे महाराष्ट्रात एकूण 54 आमदार आहेत. यापैकी एकूण 30 ते 40 आमदारांचा अजित पवार यांना पाठिंबा देत असल्याची माहिती समोर आली आहे. छगन भुजबळ हे अजित पवारांसोबत कॅबिनेट मंत्रिपदाची शपथ घेणार असल्याची माहिती आहे.(Latest Marathi News)

तर काही दिवसांपूर्वी राष्ट्रवादी काँग्रेसचे अध्यक्ष शरद पवार यांनी कार्याध्यक्षपदी प्रफुल्ल पटेल यांची निवड केली होती. ते ही अजित पवारांसोबत आहेत. सध्या प्रफुल्ल पटेल, छनग भुजबळ आणि धनंजय मुंडे हे राजभवनात असल्याची माहिती आहे. तर राजभवनात शपथविधीची तयारी सुरु आहे.(Latest Marathi News)

अजित पवार राजभवनात दाखल झाले आहेत.अजित पवारांनी दिलेला अल्टिमेटम शरद पवारांनी मान्य न केल्यामुळे शरद पवार नाराज असल्याची माहिती समोर येत आहे. अजित पवार विरोधी पक्षनेते पदाचा राजीनामा अगोदर देणार असल्याची माहिती समोर येत आहे. अजित पवारांकडे 25 आमदारांचा पाठिंबा असल्याचे पत्र अजित पवारांकडे आहे.(Latest Marathi News)

आता राजभवनात उपस्थित नेते

अमोल मिटकरी

सुनील तटकरी

अमोल कोल्हे '

नरहरी झिरवळ

छगन भुजबळ

हसन मुश्रीफ

दिलीप वळसे पाटील

धनंजय मुंडे

अदिती तटकरे

अनिल भाईदास पाटील

बाबुराव अत्राम

संजय बनसोडे

आज शपथ घेणाऱ्या राष्ट्रवादी काँग्रेसच्या 9 आमदारांची संभाव्य यादी

अजित पवार

छगन भुजबळ

दिलीप वळसे पाटील

धनंजय मुंडे

हसन मुश्रीफ

अनिल भाईदास पाटील

आदिती तटकरे

संजय बनसोडे

बाबूराव अत्राम