Devendra Fadnavis Astrology : फडणवीसांची केंद्रात वर्णी लागणार? ज्योतिषी म्हणतात, नवीन वर्षी मोठी जबाबदारी येणार...

Devendra Fadnavis Astrology : उपमुख्यमंत्री देवेंद्र फडणवीसांची सद्यस्थिती विचित्र आहे. त्यामुळेच सत्ता हातात असतानाही त्यांना मुख्यमंत्री पदावर विराजमान होता आले नाही. 2022 हे वर्ष त्यांच्यासाठी खूप संकटमय होतं. 2022 मध्ये विरोधीपक्ष नेते असताना त्यांची सत्ता मिळवण्याची तळमळ प्रत्येकाने पाहली. मात्र जेव्हा सत्ता हातात आली तेव्हा उच्च पदही मिळालं नाही. उपमुख्यमंत्री पदावर त्यांनी समाधान मानलं.

जसं 2022 हे वर्ष गेलं तसंच फडणवीसांचं 2023 हे वर्ष जाणार का? फडणवीसांचं 2023 हे वर्ष कसं जाणार? आज आपण या विषयीच जाणून घेणार आहोत.

देवेंद्र फडणीसांविषयी बोलताना महंत अनिकेतशास्त्री देशपांडे (अधिपती- महर्षी पंचायतन सिद्धपीठम्) म्हणाले की फडणवीसांसाठी हे वर्षही थोडं त्रासदायक असणार पण त्यातूनही त्यांना पुढे फायदा होणार आहे.

महंत अनिकेतशास्त्री देशपांडे म्हणाले, "देवेंद्र फडणवीस यांच्या ग्रहस्थितीनुसार त्यांना येणाऱ्या नविन वर्षात साल 2022 प्रमाणे थोड त्रासदायक आहे. त्यांना मोठ्या घटनांना सामोरं जाव लागेल. मात्र हा या मोठ्या घटना त्यांच्यासाठी लाभदायक ठरतील."

यासह त्यांच्या कडे मोठी जबाबदारी येण्याची शक्यता नाकारता येत नाही. केंद्रात देखील त्यांची वर्णी लागू शकेल. वर्षाच्या अखेरीस म्हणजेच दिवाळीच्या दरम्यान किंवा त्या नंतर त्यांना उच्च नेतृत्व प्राप्त होऊ शकते असेही महंत अनिकेतशास्त्री देशपांडे म्हणाले.