काँग्रेसच्या भारत जोडो यात्रेत शरद पवार सहभागी होणार? काँग्रेस प्रवक्ते रमेश म्हणाले...

Rahul Gandhi and Sharad Pawar
Rahul Gandhi and Sharad Pawar

नवी दिल्ली - राष्ट्रवादी काँग्रेस पक्षाचे (राष्ट्रवादी) अध्यक्ष शरद पवार भारत जोडो यात्रेत सामील होणार की नाही याबाबत मोठी अपडेट आली आहे. ८१ वर्षीय पवार यांनी यापूर्वी भारत जोडो यात्रेत सहभागी होण्याची इच्छा व्य्क्त केली होती. मात्र प्रकृतीच्या कारणास्तव ते यात्रेत सहभागी होऊ शकणार नसल्याची माहिती काँग्रेसचे ज्येष्ठ नेते जयराम रमेश यांनी दिली. ते पत्रकारांशी बोलताना होते.

Rahul Gandhi and Sharad Pawar
Patanjali: भाजप शासित राज्यात रामदेव बाबांना मोठा झटका! 'या' 5 औषधांच्या उत्पादनावर बंदी

पवार यांना नुकतेच रुग्णालयात दाखल करण्यात आले आहे. त्यानतंर त्यांना विश्रांती घेण्याचा सल्ला डॉक्टरांनी दिली होता. त्यामुळे ते यात्रेत सामील होणार नाहीत. मात्र शरद पवार यांच्या कन्या सुप्रिया सुळे, राष्ट्रवादी काँग्रेसचे प्रदेशाध्यक्ष जयंत पाटील आणि माजीमंत्री जितेंद्र आव्हाड भारत जोडो यात्रेत दाखल झाले आहेत. तसेच सायंकाळच्या मेळाव्यातही हे नेते उपस्थित राहणार असल्याचं रमेश यांनी सांगितलं.

Rahul Gandhi and Sharad Pawar
Sanjay Raut: राऊतांच्या 'त्या' पुस्तकांमध्ये नेमकं काय? जेलमध्ये लिहिली दोन पुस्तकं

काँग्रेसचे अध्यक्ष मल्लिकार्जुन खर्गे हेही या मेळाव्याला उपस्थित राहणार आहेत. रमेश म्हणाले की, शरद पवार रुग्णालयात दाखल असतानाच राहुल गांधी यांनी त्यांच्याशी संवाद साधला होता. त्यावेळी पवारांनी यात्रेत सहभागी होण्यासाठी सहमती दर्शवली होती. मात्र डॉक्टरांनी विश्रांती घेण्याचा सल्ल्या दिल्याने ते यात्रेत सहभागी होणार नाहीत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com