Jitendra Awhad I 'त्या' विकृत इसमाविरुद्ध कडक कारवाई करा, पोस्टवर आव्हाड संतापले | Sakal
sakal

बोलून बातमी शोधा

jitendra awhad

सातारा येथे भाषणात शरद पवार यांनी एक कविता वाचून दाखवली होती

'त्या' विकृत इसमाविरुद्ध कडक कारवाई करा, पोस्टवर आव्हाड संतापले

मागील काही दिवसांपासून राज्यात वेगाने घडामोडी घडत आहेत. राष्ट्रवादी काँग्रेसचे ज्येष्ठ नेते शरद पवार यांनी एका जाहीर कार्यक्रमात सादर केलेल्या कवितेवरून राजकीय गदारोळ सुरू आहे. शरद पवार यांनी हिंदू देवी-देवतांचा अवमान केल्याचा आरोप भाजपने केला आहे. दरम्यान, सत्ताधारी आणि विरोधक यांच्यात टोलेबाजी सुरु झाली आहे. या वादाच्या पार्श्वभूमीवर एका तरुणाने सोशल मीडियावर आक्षेपार्ह शब्दांत ट्वीट (Controversial Tweet) केलं आहे. यावरून मंत्री जितेंद्र आव्हाड यांनी संताप व्यक्त केला आहे.

जितेंद्र आव्हाड यांनी ट्विट करत तरुणाची वादग्रस्त पोस्ट शेअर केली आहे. त्यांनी मुंबई पोलिसांकडे सदर तरुणावर कारवाई करण्याची मागणी केली आहे. 'काय पातळीवर हे सगळे होत आहे? या विकृत इसमाविरुद्ध कडक कारवाई करा,' असं ट्वीट आव्हाड यांनी केलं आहे. सातारा येथे भाषणात शरद पवार यांनी एक कविता वाचून दाखवली होती. त्यावरून राजकीय वर्तुळात अनेक चर्चांना उधाण आलं आहे. याप्रकरणी भाजपाने राष्ट्रवादीला धारेवर धरलं आहे. तर भाजपने अर्धवट व्हिडिओ शेअर करून दिशाभूल केल्याचा आरोप राष्ट्रवादीने केला आहे.

हेही वाचा: मलिकांना तुर्तास दिलासा, खासगी रुग्णालयात उपचारासाठी परवानगी

त्या तरुणाची वादग्रस्त पोस्ट आहे?

'बागलाणकर' नावाच्या ट्विटर हँडलवर आक्षेपार्ह मजकूर वापरत एक पोस्ट लिहिण्यात आली आहे. 'वेळ आली आहे बारामतीच्या गांधीसाठी बारामतीचा नथुराम गोडसे तयार करण्याची...' असं या ट्वीटमध्ये म्हटलं आहे.

दरम्यान, शरद पवार यांचा एक व्हिडिओ भाजपकडून सोशल मीडियावर मोठ्या प्रमाणात व्हायरल केला जात आहे. पवार यांनी हिंदू देवी-देवतांचा बाप काढत अपमान केल्याचा आरोप भाजपने केला आहे. पवार नेहमीच हिंदू धर्माची बदनामी करतात. जातीवाद केला नसता, देवीदेवतांचा अपमान केलाच नसता, तर ते एवढे मोठे झालेच नसते, असा निशाणा साधत भाजपच्या अधिकृत ट्विटर हँडलवर शरद पवार यांच्या भाषणाचा व्हिडिओ ट्वीट करण्यात आला होता. यावर राष्ट्रवादीनेही जोरदार प्रत्युत्तर दिलं होतं.

हेही वाचा: गुडन्यूज! मान्सून अंदमान बेटावर होणार दाखल; तिसऱ्या आठवड्यात महाराष्ट्रात

Web Title: Jitendra Awhad Reaction Viral Post Of Youth Who Statement On Sharad Pawar Demand Arrested Him

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top