सरनाईकांविरोधात सोमय्या आक्रमक, पोलिसांत करणार तक्रार

मुंबई : शिवसेनेचे आमदार प्रताप सरनाईक यांच्या विरोधात भाजपचे माजी खासदार किरीट सोमय्या आक्रमक झाले आहेत. मंत्रालयातील फोटो प्रकरणी सोमय्या प्रताप सरनाईक (Pratap Sarnaik) यांच्या विरोधात मरीन लाइन्स पोलिस स्टेशनमध्ये तक्रार दाखल करणार आहेत. प्रताप सरनाईक यांनी आरटीआय गोपनीयतेचे उल्लंघन केले आहे आणि माझ्या झेड श्रेणी सुरक्षा नियमांशी तडजोड केली आहे. (Kirit Somaiya Aggressive Against Pratap Sarnaik, He Will Go To Police)

त्यामुळे त्यांच्यावर कारवाई करायची असे ट्विट किरीट सोमय्या (Kirit Somaiya) यांनी केले आहे. काही दिवसांपूर्वी मंत्रालयात माहिती अधिकारी अंतर्गत सोमय्या यांनी काही कागदपत्रे तपासले होते. त्याबाबतचा फोटो सोशल मीडियावर व्हायरल झाला होता. सरकारने संबंधित अधिकाऱ्यांना नोटीसही बजावल्या आहेत. (Mumbai)