ज्येष्ठ अभिनेते नाना पाटेकर यांच्यावर पुण्यातील डोणजे परिसरात अंत्यसंस्कार सुरु आहेत..ज्येष्ठ अभिनेते नाना पाटेकर यांच्यावर पुण्यातील डोणजे परिसरात अंत्यसंस्कार करण्यात येत आहेत. आयएएस अधिकारी तुकाराम मुंढे यांनी नानांच्या पार्थिवाचं अंत्यदर्शन घेतलं..ज्येष्ठ अभिनेते नाना पाटेकर यांच्या निधनाने मराठी आणि हिंदी चित्रपटसृष्टीचे मोठे नुकसान झाले आहे, अशी प्रतिक्रिया केंद्रीय सामाजिक न्याय राज्यमंत्री रामदास आठवले यांनी व्यक्त केली. नाना पाटेकर हे महाराष्ट्राचे सुपुत्र होते. आपल्या दमदार अभिनयातून त्यांनी देशभरात वेगळी ओळख निर्माण केली होती, असे आठवले यांनी सांगितले..दिग्गज अभिनेते नाना पाटेकर यांचं आज पाहटे निधन झालं. पुण्यात त्यांच्या पार्थिवावर थोड्याच वेळात अंत्यसंस्कार होणार आहेत. राज्याचे उपमुख्यमंत्री एकनाथ शिंदे दाखल झाले आहेत..पालघरमध्ये अचानक जमीन हादरली आणि काही क्षणांसाठी नागरिकांमध्ये भीतीचे वातावरण निर्माण झाले. गुरुवारी सायंकाळी ७ वाजून १६ मिनिटांनी पालघर जिल्ह्यात ३.७ रिश्टर स्केल तीव्रतेचा भूकंप झाला. विक्रमगड तालुक्यातील कुर्झे परिसर हा या भूकंपाचा केंद्रबिंदू असल्याची नोंद भारतीय भूकंपमापक संस्थेने केली आहे. भूकंपाचा केंद्रबिंदू जमिनीखाली सुमारे सात किलोमीटर खोलीवर असल्याची प्राथमिक माहिती आहे..मुख्यमंत्री देवेंद्र फडणवीस यांनी पुणे विमानतळावर नाना पाटेकर यांच्या पार्थिवाचे दर्शन घेतले असून ते विमानाने मुंबईला रवाना झाले आहेत..हिंगणे खुर्द येथील महादेवनगर परिसरात रस्ता ओलांडणाऱ्या पादचाऱ्याला भरधाव दुचाकीने धडक दिली. या अपघातात गंभीर जखमी झालेल्या पादचाऱ्याचा उपचारादरम्यान मृत्यू झाला. याप्रकरणी सिंहगड रस्ता पोलिसांनी दुचाकीस्वाराविरुद्ध गुन्हा दाखल केला आहे..कचनेर ता.संभाजीनगर परिसरातील कचनेर तांडा नं. ५ येथील डोंगर माथ्यावरील शेतात गांजाची लागवड झाल्याची गोपनीय माहिती मिळाल्यानंतर चिकलठाणा पोलिसांनी गुरुवार ता. ८ रोजी सकाळी सात वाजता केलेल्या कारवाईत गांजाची तब्बल २४१ लहान-मोठी झाडे जप्त केली आहे..ज्येष्ठ अभिनेते नाना पाटेकर यांच्या पार्थिवावर आज रात्री अंत्यसंस्कार करण्यात येणार आहेत. पुण्यात त्यांच्या चाहत्यांनी गर्दी केली आहे. .सिल्लोड तालुक्यातील शिवना येथील मुख्य बाजारपेठेतून जाणाऱ्या व चार वर्षांपूर्वी केंद्रीय महामार्ग प्राधिकरणाच्या धुळे कार्यालयाअंतर्गत बांधण्यात आलेल्या राष्ट्रीय राज्यमार्ग क्रमांक ७५३- ई या अजिंठा- बुलडाणा मार्गावरील सिमेंट रस्त्याच्या दुतर्फा झालेले अतिक्रमण गुरुवारी (ता. सात) पोलीस बंदोबस्तात हटविण्यात आले..सिल्लोड तालुक्यातील अजिंठा-अंधारी मध्यम प्रकल्पात अवघ्या सतरा टक्के उरलेल्या जलसाठ्यामध्ये शिवना व अंधारी शिवारातील अवैध पाणी उपसा करणाऱ्या शेतकऱ्यांच्या चार विद्युत मोटारी, पाच विद्युत पेट्या व केबल वायर जप्त करण्यात आले. पाटबंधारे विभागाच्या एका पथकाने बुधवारी (ता. सात) रात्री दिडच्या सुमारास अजिंठा पोलिसांच्या मदतीने ही कारवाई केली..मुख्य निवडणूक आयुक्त ज्ञानेश कुमार यांच्याविरोधात इंडिया आघाडी तीन दिवसांपासून आक्रमक झालेली आहे. गुरुवारी इंडिया आघाडीचे खासदार राजघाटावर दाखल झाले..उदगीर शहरातील नांदेड नाका परिसरातील आनंदनगर येथे भरदिवसा अज्ञात चोरट्यांनी दोन घरांचे कडी-कोयंडे तोडून घरात प्रवेश केला. या घरांमधून सोने-चांदीचे दागिने आणि रोख रक्कम असा एकूण सुमारे ६ लाख २ हजार १०० रुपयांचा ऐवज चोरून नेल्याची घटना बुधवारी (ता.७) रोजी दुपारी घडली. या घटनेमुळे परिसरातील नागरिकांमध्ये खळबळ उडाली आहे..महापालिकेच्या अतिक्रमण विभागाने जप्त केलेला माल परत देण्याच्या मागणीवरून अतिक्रमण निरीक्षकाला शिवीगाळ करून लाथ मारल्याचा प्रकार सिंहगड रोड क्षेत्रीय कार्यालयाच्या पार्किंगमध्ये घडला. याप्रकरणी नितीन हणमघर (वय ३५, रा. जनता वसाहत) याच्याविरुद्ध सिंहगड रोड पोलिस ठाण्यात गुन्हा दाखल करण्यात आला आहे. हा प्रकार बुधवारी (ता. ७) रात्री साडेआठच्या सुमारास घडला..शांतता व सुव्यवस्था राखण्यात मोलाचे योगदान देणाऱ्या दक्षिण सोलापूर तालुक्यातील औरादचे पोलीस पाटील सैपन बेगडे यांच्यासह जिल्ह्यातील चार कर्तबगार पोलीस पाटलांचा सोलापूर ग्रामीण पोलिसांच्या वतीने 'आदर्श पोलीस पाटील' म्हणून गौरव करण्यात आला. सोलापूर ग्रामीणचे पोलीस अधीक्षक अतुल कुलकर्णी, अपर पोलीस अधीक्षक विजय कबाडे आणि मंद्रूप पोलीस ठाण्याचे परिवाक्षाधीन पोलीस उपअधीक्षक गणेश शिंदे यांच्या प्रमुख उपस्थितीत सोलापूर येथे हा दिमाखदार सोहळा पार पडला..CJP Protest: बंगळुरू येथे सीजेपीचे आंदोलन सुरू, आंदोलनात ध्रुव राठी सहभागीबंगळुरू येथे सीजेपीचे आंदोलन सुरूया आंदोलनात ध्रुव राठी सहभागी झालासीजेपीच्या आंदोलनासाठी मोठी गर्दी झाली आहे.Pimpari Chinchwad: ज्ञानेश कुमारांविरोधात पिंपरी-चिंचवड शहरात इंडिया आघाडीचा मोर्चापिंपरी चिंचवड शहरात आज इंडिया आघाडीने केंद्रीय मुख्य निवडणूक आयुक्त ज्ञानेश कुमार यांच्या विरोधात मोर्चा काढला आहे.आकुर्डी येथील विठ्ठल मंदिरापासून निगडी येथील तहसील कार्यालयापर्यंत हा निषेध मोर्चा काढण्यात आला आहे.ज्ञानेश कुमार यांना त्यांच्या पदावरून बडतर्फ करा, SIR रद्द करा, EVM हटवा आणि निवडणुका बॅलेट पेपरवर घ्या अशा विविध प्रमुख मागण्यासाठी हा मोर्चा काढण्यात आला आहे..MPSC Exam Live: एम पी एस सी करणाऱ्या विद्यार्थ्यांशी सरकार चे प्रतिनिधी आज संवाद साधण्याची शक्यताएम पी एस सी करणाऱ्या विद्यार्थ्यांशी सरकार चे प्रतिनिधी आज संवाद साधण्याची शक्यताएम पी एस सी विद्यार्थ्यांच्या शिष्टमंडळाचे सरकार मधील प्रतिनिधींशी चर्चाआज संध्याकाळी सरकार मधील २ प्रतिनिधी विद्यार्थ्यांशी संवाद साधण्याची शक्यताएम पी एस सी विद्यार्थ्यांच्या आंदोलनाचा आजचा आठवा दिवसनाना पाटेकर यांच्या निधनामुळे आज आंदोलनस्थळी विद्यार्थ्यांकडून होणारे काही कार्यक्रम रद्द.Nana Patekar : मुंडे साहेब उशिरा का आलात ते सांगा’; धनंजय मुंडेंकडून नाना पाटेकरांच्या आठवणींना उजाळाNana Patekar Death : धनंजय मुंडे यांनी फेसबुकवर पोस्ट करत म्हटले आहे की, 'मुंडे साहेब उशिरा का आलात ते सांगा?' नाना जाहीर व्यासपीठावरून तुम्ही मला उशिरा आल्याचा जाब गंमतीने का असेना विचारलात, मी उशिरा आलो पण तुम्ही मात्र जायला जरा घाईच केली... मराठी - हिंदी सिनेसृष्टी असो की सामाजिक क्षेत्र, नानांनी आपल्या दमदार कामगिरीने एक अस्सल मराठमोळा ठसा उमटवून तो गेली पाचहून अधिक दशके समृद्ध केला होता. नानांच्या अशा अकाली निधनाचे वृत्त अत्यंत दुःखद आणि वेदनादायी आहे. नानांचे आणि माझे मागील अनेक वर्षांपासून स्नेहसंबंध होते. विविधांगी, सर्जनशील - संवेदनशील नटसम्राट आज हरवला... स्व. नाना पाटेकर यांना भावपूर्ण श्रद्धांजली, असे ते म्हणाले..Nana Patekar Passed Away : बातम्यांवर विश्वास बसेना, 7 वाजता माहिती कळली अन्..., पाटेकरांच्या निधनानंतर सयाजी शिंदेंना मोठा धक्काNana Patekar Passed Away : ज्येष्ठ अभिनेते नाना पाटेकर यांचं हृदयविकाराच्या झटक्यानं निधन झालं. तर मिळालेल्या माहितीनुसार, अभिनेते सयाजी शिंदे देखील गोव्यामध्ये होते. नानांचं जाणं हे शॉकिंग आहे. मला सकाळी 7 वाजता त्यांच्या निधनाची बातमी समजली अशी प्रतिक्रिया सयाजी शिंदे यांनी दिली. सयाजी शिंदे आणि नाना पाटेकर हे खूप जवळचे मित्र होते. सयाजी शिंदे म्हणाले, "हे खरोखरच धक्कादायक आहे. कालच आमचे खूप छान बोलणे झाले होते आणि अचानक हे घडले. काय बोलावे हेच सुचत नाहीये. आज सकाळी 7 वाजता मला याबद्दल समजले. मी कामात असतानाच मला तो फोन आला.".Delhi Protest : दिल्लीत संसद मार्गाची सुरक्षा वाढवलीदिल्लीत संसद मार्गाची सुरक्षा वाढवलीदिल्लीत आज देखील काँग्रेसचे आंदोलन आहेहे आंदोलन ज्ञानेश कुमार यांच्या विरोधात केले जात आहेया पार्श्वभूमीवर दिल्लीत सुरक्षा वाढवण्यात आली आहे.आता नाना पाटेकर यांच्या अंतिम संस्काराबद्दल मोठी माहिती पुढे येतंय. नाना पाटेकर यांच्यावर पुण्यात अत्यंसंस्कार होणार आहेत. डोनजेगाव भोर तहसील इथे अंत्यसंस्कार होणार आहेत. नाना पाटेकर यांची अंतिम इच्छा होती की, त्यांचे शेवटचे कार्य हे पुणे डोणजे येथील शेतामध्येच व्हावे. त्यानुसार पुणे डोणजे गावतच अंत्यसंस्कार होणार आहेत.Nana Patekar : नाना पाटेकर यांच्यावर शासकीय इतमामात अंत्यसंस्कारअभिनेते नाना पाटेकर यांचे मराठी नाटकासह मराठी, हिंदी सिनेमातील अतुलनीय योगदान पहाता त्यांचे अंत्यसंस्कार "शासकीय इतमामात" करण्याचा निर्णय मुख्यमंत्री देवेंद्र फडणवीस यांच्या सरकारने घेतल्याचे सांस्कृतिक कार्य मंत्री अँड आशिष शेलार यांनी जाहीर केले आहे..Raju shetti on Nanan Patekar : राजू माधुरी हत्ती परत आणलास, अशक्य गोष्ट करून दाखवलीस; माधुरीला भेटायला येईन...काही दिवसांपूर्वीच कोल्हापूरमध्ये आमची शेवटची भेट झाली होती. तेंव्हा माझे हात हातात घेत ते अत्यंत भावूक होऊन म्हणाले होते, "राजू, शेतकरी प्रश्नांवर लढताना आणि तो सुटण्यासाठी तू राजकारणात भविष्याच्या परिणामांची अजिबात चिंता करत नाहीस. त्यासाठी तू सगळ्यांशीच शत्रुत्व पत्करतोस, हा तुझ्यातला धाडसी गुण मला सगळ्यात जास्त आवडतो..." असे म्हणत त्यांनी मला कडकडून मिठी मारली होती. ती घट्ट मिठी आणि त्यांच्या डोळ्यांतील तो जिव्हाळा आजही माझ्या मनात तसाच जिवंत आहे.१२ सप्टेंबरला त्यांचा मला फोन आला व त्यांनी नांदणी मठाची माधुरी हत्ती परत आणल्याबद्दल “राजू अशक्य असणारी गोष्ट तु शक्य करून दाखविलास तुझ्या जिगरबाज लढवय्या स्वभावाला माझ्याकडून सलाम “ म्हणून माझे अभिनंदन केले व त्यांनी मला लवकरच नांदणी मठात माधुरी हत्तीच्या दर्शनासाठी येण्याची इच्छा व्यक्त केली होती..Nana Pathekar Death : मनाने मोठा असलेला राजा माणूस गेला; मुख्यमंत्री देवेंद्र फडणवीसज्येष्ठ अभिनेते आणि माझे निकटचे मित्र नाना पाटेकर यांची अशी अकाली आणि अचानक ‘एक्झिट’ मनाला मोठा धक्का देणारी आहे. मन प्रचंड दुःखी आहे. नाना जितके पडद्यावर मोठे, तितकेच मनाने सुद्धा मोठे होते. मराठी आणि हिंदी चित्रपटसृष्टीला त्यांनी एक कालखंड दिला. त्यातून प्रामुख्याने एक राष्ट्रभक्त अशीच त्यांची प्रतिमा प्रेक्षकांना भावली. 'क्रांतिवीर' ते 'नटसम्राट' या त्यांच्या प्रवासात जो दमदार आणि कसदार अभिनयाचा पट त्यांनी उभा केला, त्याला तोड नाही. त्यामुळे अभिनेता म्हणून त्यांचे जाणे ही मोठी हानी आहे..Maharashtra Latest Marathi News Live Update : नाना पाटेकर यांचे गोव्यातील राहत्या घरात पहाटे निधन झाले. यावर खासदार शरद पवार यांनी आदरांजली वाहिली. महाराष्ट्रातील दुष्काळावर त्यांनी मोठे काम केल्याची भावना व्यक्त केली. तर महाराष्ट्र एका मोठ्या कलाकाराला मुकला आहे. नाम फाउंडेशनच्या माध्यमातून त्यांनी मोठे काम केले, विदर्भातील शेतकऱ्यांना त्यांनी मोठा आधार दिला. शेतीविषयी नाना पाटेकर यांना आवड होती. महाराष्ट्राने एका मोठ्या कलाकाराला गमावल्याची भावना शरद पवार यांनी व्यक्त केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.