दिवसभरातील महत्त्वाच्या घडामोडी वाचा एका क्लिकवर...

पुणे : पाषाण-बावधन रस्त्यावर नेकलेस गार्डनजवळ भरधाव कारने धडक दिल्याने धावण्याचा व्यायाम करणाऱ्या विरेंद्र द्विवेदी या सॉफ्टवेअर इंजिनिअरचा दुर्दैवी मृत्यू झाला.द्विवेदी हे नियमितपणे धावण्याचा व्यायाम करत असताना त्यांना भरधाव कारने धडक दिली. धडकेनंतर गंभीर जखमी झालेल्या द्विवेदी यांना उपचारासाठी त्याच कारमधून रुग्णालयात नेण्यात आले. मात्र, उपचारादरम्यान त्यांचा मृत्यू झाला.या घटनेनंतर कारच्या मालकीबाबतही प्रश्न उपस्थित झाले आहेत. प्राथमिक माहितीनुसार, संबंधित कार BLUERAYS Developers या कंपनीच्या नावावर असल्याचे समजते. कारचा पत्ता ABIL हाऊसचा असल्याची माहिती समोर आली आहे. मात्र, कार नेमकी कोणाच्या ताब्यात होती आणि अपघाताच्या वेळी ती कोण चालवत होते, याबाबत पोलिसांकडून अधिकृत माहिती देण्यात आलेली नाही. या प्रकरणी चतु:शृंगी पोलीस ठाण्यात गुन्हा दाखल करण्यात आला असून पोलिसांकडून पुढील तपास सुरू आहे.