Eknath Shinde:विरोधकांच्या बैठकीवर एकनाथ शिंदेंची प्रतिक्रिया! म्हणाले, "२०१४ मध्ये ज्यांनी राहुल गांधीचा विरोध केला..."

Eknath Shinde on INDIA:नुकतीचं मुंबईतील ग्रँड हयात हॉटेलमध्ये विरोधकांच्या इंडिया आघाडीची अनौपचारिक बैठक पार पडली. यावेळी राहुल गांधींनी नरेंद्र मोदी आणि उद्योजक गौतम अदानी यांच्यावर गंभीर आरोप केले. राहुल गांधींच्या या आरोपांवर सत्ताधारी पक्षातील नेत्यांकडून प्रतिक्रिया येत आहेत.

महाराष्ट्राचे मुख्यमंत्री एकनाथ शिंदे यांनी राहुल गांधींवरचं देशाच्या बदनामीचा आरोप केला. इंडिया आघाडीकडून अद्याप पंतप्रधानपदाचा उमेदवार जाहीर करण्यात आलेला नाही. शिंदेंनी यावर इंडिया आघाडीला टोमणा लगावला. विरोधकांमध्ये एकी नसून ते भीतीपोटी एकत्र आल्याचे शिंदेंनी स्पष्ट केले.

मुख्यमंत्री एकनाथ शिंदे म्हणाले की, "हे सर्व विरोधक घाबरुन आणि स्वार्थापोटी एकत्र आले आहेत. देशाचा गौरव, सन्मान मोदी साहेब करतात. त्यांची बदनामी देशाची बदनामी. २०१४ साली याचं लोकांनी राहुल गांधींना विरोध केला होता. आज त्यांच स्वागत करतायेत"

यापुढे मुख्यमंत्री म्हणाले की, " बाळासाहेबांच्या विचारांना तिलांजली द्यायचं काम यांनी केलंय आणि जनता त्यांना लोकसभेत आणि विधानसभेत उत्तर देईल.हे सगळे एकत्र आलेत यातचं मोदीजींचा विजय आहे."(Latest Marathi News)

यावेळी मुख्यमंत्री यांनी विरोधकांच्या पंतप्रधान पदाच्या उमेदवारीबाबत टोमणा मारलाय.मुख्यमंत्री म्हणाले की, "पंतप्रधान पदाचा एक नेता देखील ठरवू शकले नाही. याच्यावरुन त्यांची एकी दिसून येते. ही त्यांना भरलेली धडकी आहे, पोटदुखी आहे."