Maharashtra-Karnataka Issue: "आमच्याकडे बरेच बॉम्ब आहेत, वातीही काढल्यात फक्त..."; ठाकरेंचा सरकारला इशारा

नागपूर : महाराष्ट्र-कर्नाटक वादग्रस्त सीमाभाग हा तातडीनं केंद्रशासित करावा, अशी आग्रही मागणी शिवसेना नेते उद्धव ठाकरे यांनी केली आहे. हिवाळी अधिवेशनात हजेरी लावल्यानंतर माध्यमांशी बोलताना उद्धव ठाकरेंनी आपली भूमिका स्पष्ट केली.

आमच्याकडे बरेच बॉम्ब आहेत, वातीही काढलेल्या आहेत फक्त ते पेटवायचं बाकी आहे, अशा शब्दांत त्यांनी शिंदे-फडणवीस सरकारला इशाराही दिला आहे. (Maharashtra Karnataka Border isuue Uddhav Thackeray demanded Controversial area should be union territory)

उद्धव ठाकरे म्हणाले, "बॉम्ब बरेच आहेत वाती काढलेल्या फक्त पेटवायच्या अवकाश आहेत. पण तोपर्यंत तातडीनं कर्नाटकनं केलेला ठराव जो लोखा मराठी माणसांचं आयुष्य बरबाद करणारा आहे. पिढ्यानं पिढ्या त्यांनी निवडणुका जिंकून दाखवल्यात, आंदोलनं केलेली आहेत.

त्यामुळं जोपर्यंत सुप्रीम कोर्टाचा निकाल लागत नाहीत तोपर्यंत हा विवादित भाग केंद्र शासित व्हायला हवा अशी आमची आग्रही मागणी आहे. एखादा विषय सुप्रीम कोर्टात असताना सहाजिकच दोन्ही राज्यांनी संयमानं वागणं गरजेचं आहे. पण कर्नाटक तसं वागताना दिसत नाही. सुप्रीम कोर्टात हा विषय असतानाही त्यांनी बेळगावचं नामांतर केलं"

मी सभागृहात माझं मत मांडलं तसेच इथं एक पेनड्राईव्ह दिला त्यात सीमाभागातील मराठी शाळा, मराठीतला कारभार हे दाखवलं आहे. तसेच महाजन अहवालाची चिरफाड करणारं पुस्तकही मी सभागृहात दिलं आहे. माझं मत ठाम आहे की, जोपर्यंत हा विषय सुप्रीम कोर्टात आहे तोपर्यंत हा वादग्रस्त विषय केंद्रशासित असला पाहिजे. कर्नाटक ज्या पद्धतीनं भाषिक अत्याचार करत आहे तो थांबवला जाईल.

हे ही वाचा : जोखीममुक्त व्यवहारांसाठी रिझर्व बँकेचा 'डिजिटल रुपया'