पुणे: अवघ्या दीडशे मिटर लांबीची जागा पुणे महापालिकेला ताब्यात न घेता आल्याने गेल्या ११ वर्षापासून बाणेर- पाषाण लिंक रस्त्याचे काम रखडले होते. आता ही जागा ताब्यात घेऊन सहा महिन्यात रस्ता वाहतुकीसाठी खुला करा असे आदेश मुंबई उच्च न्यायालयाने पुणे महापालिकेला दिले आहेत. या रस्त्याच्या संदर्भात जनहित याचिका दाखल केली होती, त्याचा निकाल देताना हे आदेश देण्यात आले आहेत.