Latest Marathi News Live Update : कोयना धरणातून २१०० विसर्ग सुरू, नदीकाठच्या गावांना सतर्कतेचा इशारा

परळीतील सहदेव सातभाई यांच्यावर खुनाचा प्रयत्न आणि लूट झालेल्या प्रकरणात बीड पोलिसांनी रघु फड गॅंगवर मकोकांतर्गत कारवाई केली होती. या गॅंगचे वाल्मीक कराड समर्थकांशी संबंध असल्याचे उघड झाले होते. या टोळीत सात जणांचा समावेश असून त्यांच्यावर गंभीर गुन्ह्यांची नोंद आहे. .कोयना धरणाची पाणीपातळी नियंत्रित ठेवण्यासाठी आज २० सप्टेंबर २०२५ रोजी रात्री ३:०० वा. कोयना धरणाचे दोन वक्र दरवाजे बंद करण्यात आले आहेत. दोन वक्र दरवाजे १ फूट उघडे असून त्याद्वारे ३,२०० क्युसेक विसर्ग कोयना नदीपात्रात सोडण्यात येत आहे. कोयना धरण पायथा विद्युतगृहाचे दोन्ही युनिट सुरू असून त्याद्वारे २१०० क्युसेक्स विसर्ग सुरू आहे. कोयना नदीमध्ये एकूण ५,३०० क्युसेक विसर्ग सुरू आहे..सातारा : करंजे परिसरात दोन गटांत झालेल्या मारामारीप्रकरणी शाहूपुरी पोलिस ठाण्यात नामदेववाडी झोपडपट्टीतील ३५ जणांवर गुन्हा नोंदविण्यात आला आहे. अरुण रामा खवळे (रा. नामदेववाडी झोपडपट्टी) याने नोंदविलेल्या तक्रारीत रामा लाला जाधव, सुनील सुभाष जाधव, सागर लक्ष्मण खवळे यांच्यासह सुमारे २५ जणांनी करंजे येथे बुधवारी कोयत्याने मारहाण करत गळ्यातील दोन तोळ्यांची साखळी हिसकावून नेल्याचे नमूद केले आहे. .आदिवासी तरुणाच्या हत्येच्या निषेधार्थ आज नंदुरबार जिल्हा बंद राहणार आहे. तरुणाच्या हत्येमुळे आदिवासी समाजात प्रचंड संताप आहे. मृत जयेश भीलच्या मारेकऱ्यांना फाशीची शिक्षेची मागणी करण्यात येत आहे. आज सकाळपासूनच जिल्ह्यातील सर्व दुकाने बंद ठेवण्यात आली आहेत..नाशिक शहरात पाणी पुरवठा आज बंद राहणार आहे. तर, उद्या रविवारी देखील कमी दाबाने पाणी पुरवठा होणार आहे. शहरातील विविध जलकुंभ, जलशुद्धीकरणाच्या पाईपलाईन दुरुस्ती आणि तांत्रिक कामानिमित्त आज दिवसभर पाणीपुरवठा बंद राहील. नागरिकांनी काटकसरीने पाण्याचा वापर करण्याचे आवाहन पालिका प्रशासनाने केले आहे..आज (ता. २०) मध्य महाराष्ट्र, मराठवाडा, पूर्व विदर्भात तुरळक ठिकाणी विजांसह पावसाचा अंदाज असल्याने सतर्कतेचा इशारा (Yellow Alert) हवामान विभागाने दिला आहे..गुवाहाटी : आसाममधील प्रसिद्ध गायक झुबीन गर्ग (वय ५२) यांचा सिंगापूर येथे स्कूबा डायव्हिंग करताना मृत्यू झाला. सिंगापूर येथे आयोजित केलेल्या ईशान्य भारत महोत्सवात सहभागी होण्यासाठी गर्ग तेथे गेले होते. महोत्सवापूर्वी येथील समुद्रात स्कूबा डायव्हिंग करत असताना पाण्यात त्यांना अचानक श्वास घेण्यास त्रास होऊ लागला. त्यांच्यावर प्राथमिक उपचार केल्यानंतर त्यांना रुग्णालयात नेण्यात आले. मात्र डॉक्टरांनी त्यांना मृत घोषित केले. .इंफाळ : मणिपूरच्या इंफाळ खोऱ्यातील तीन जिल्ह्यांतून सुरक्षा दलांनी विविध प्रतिबंधित संघटनांच्या सहा दहशतवाद्यांना अटक केली आहे, असे पोलिसांनी शुक्रवारी सांगितले. इंफाळ पश्चिम जिल्ह्यामधून कांग्लेईपाक कम्युनिस्ट पक्षाच्या तीन सदस्यांना अटक करण्यात आली. त्यांच्याकडून मोठा शस्त्रसाठा जप्त करण्यात आला आहे. इंफाळ पश्चिम जिल्ह्यामधून आणि थौबल जिल्ह्यातून प्रत्येकी एकाला तसेच बंदी घातलेल्या ‘सोरेआ’ संघटनेच्या एका सदस्यालाही अटक करण्यात आली..नवी दिल्ली : अभिनेत्री दिशा पटनी हिच्या उत्तर प्रदेशातील बरेली येथील घरावर गोळीबार केल्याच्या प्रकरणात दिल्ली पोलिसांनी दोन अल्पवयीन आरोपींना अटक केली आहे. उत्तर प्रदेश पोलिसांनी या प्रकरणी अलीकडेच रोहित गोदारा व गोल्डी ब्रार टोळीतील दोन सदस्यांचे गाझियाबादच्या ट्रोनिका सिटीमध्ये एन्काउंटर केले होते..कोल्हापूर : गेल्या काही दिवसांपासून विश्रांती दिलेल्या पावसाने काल रात्रीपासून जोरदार हजेरी लावली. दिवसभर संततधार सुरू राहिली. त्यामुळे धरणांमधील पाण्याचा विसर्ग वाढून नद्यांच्या पाणी पातळीत झपाट्याने वाढ झाली. पंचगंगेच्या पाणी पातळीत ही वाढ होऊन ती रात्री १७ फूट दोन इंचांवर पोहोचली. पुराचे पाणी कसबा बावडा-वडणगे मार्गावर आल्याने सुरक्षिततेसाठी राजाराम बंधारा येथे बॅरिकेडस् लावून वाहतूक बंद करण्यात आली. या पावसाळ्यात राजाराम बंधारा सहाव्यांदा पाण्याखाली गेला..मुंबई : मुंबई-अहमदाबाद राष्ट्रीय महामार्गावर गुरुवारी (ता. १८) झालेल्या भीषण वाहतूक कोंडीत रुग्णवाहिका अडकल्याने दोन वर्षांच्या बालकाचा मृत्यू झाला. येथील पेल्हार येथे राहणारा रियान शेख चौथ्या मजल्यावरून पडून गंभीर जखमी झाला होता. कुटुंबीयांनी त्याला जवळच्या रुग्णालयात दाखल केले. रियानला दुपारी अडीचच्या सुमारास रुग्णवाहिकेतून मोठ्या दवाखान्याकडे रवाना करण्यात आले. मुंबई-अहमदाबाद महामार्गावर वाहतूक कोंडी दुपारपर्यंत गंभीर झाली होती. दोन्ही बाजूंना २० किलोमीटरपर्यंत रांगा होत्या. याच कोंडीत रियानला घेऊन जाणारी रुग्णवाहिका पाच तास अडकली. दरम्यान, रियानची प्रकृती खालावल्याचे पाहून त्याला ससूनवघर रुग्णालयात नेले, पण डॉक्टरांनी त्याला मृत घोषित केले..मुंबई : भारताकडून ९८ व्या अकादमी पुरस्कारांमध्ये (ऑस्कर) ‘सर्वोत्कृष्ट आंतरराष्ट्रीय चित्रपट’ या श्रेणीसाठी अधिकृत प्रवेशिका म्हणून भारतातर्फे ‘होमबाऊंड’ हा हिंदी चित्रपट निवडला गेला आहे. ‘फिल्म फेडरेशन ऑफ इंडिया’ने कोलकात्यातील पत्रकार परिषदेत ही माहिती दिली. यावेळी निवड समितीचे अध्यक्ष आणि ज्येष्ठ दिग्दर्शक एन. चंद्र उपस्थित होते. या वर्षी निवड प्रक्रियेत एकूण २४ चित्रपटांचा समावेश होता. त्यातून ‘होमबाऊंड’ या चित्रपटाची सर्वानुमते निवड करण्यात आली..Latest Marathi Live Updates 20 September 2025 : राज्यामध्ये विधानसभा निवडणुकीत मतदार वाढल्याची ओरड अद्याप थांबलेली नसताना स्थानिक स्वराज्य संस्थांच्या निवडणुकीत देखील तब्बल १४ लाख ७१ हजार ५०७ मतदार वाढले आहेत. तसेच भारताकडून ९८ व्या अकादमी पुरस्कारांमध्ये (ऑस्कर) ‘सर्वोत्कृष्ट आंतरराष्ट्रीय चित्रपट’ या श्रेणीसाठी अधिकृत प्रवेशिका म्हणून भारतातर्फे ‘होमबाऊंड’ हा हिंदी चित्रपट निवडला गेला आहे. अभिनेत्री दिशा पटनी हिच्या उत्तर प्रदेशातील बरेली येथील घरावर गोळीबार केल्याच्या प्रकरणात दिल्ली पोलिसांनी दोन अल्पवयीन आरोपींना अटक केली आहे. मणिपूरच्या इंफाळ खोऱ्यातील तीन जिल्ह्यांतून सुरक्षा दलांनी विविध प्रतिबंधित संघटनांच्या सहा दहशतवाद्यांना अटक केली आहे. आसाममधील प्रसिद्ध गायक झुबीन गर्ग (वय ५२) यांचा सिंगापूर येथे स्कूबा डायव्हिंग करताना मृत्यू झाला. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : कोयना धरणातून २१०० विसर्ग सुरू, नदीकाठच्या गावांना सतर्कतेचा इशारा

Beed Live : गोट्या गीतेसह 5 आरोपींवरील मकोक रद्द

Related Stories