Latest Marathi News Live Update : ठाण्यात एकनाथ शिंदेंच्या पदाधिकाऱ्यांना भाजपच्या माजी नगरसेवकाकडून मारहाण

ठाण्यातील शिवसेनेच्या हरीश महाडिक आणि महेश लहाने या दोन पदाधिकाऱ्यांनी भाजपच्या माजी नगरसेवकाने मारहाण केल्याचे समोर आले आहे. .बाळापूर (जि. अकोला) : धनेगाव येथील शेतशिवारात अर्धवट जळालेल्या अवस्थेतील अनोळखी युवतीचा विवस्त्र मृतदेह आढळून आल्याने खळबळ उडाली आहे. घटनेची माहिती मिळताच बाळापूर पोलिस, स्थानिक गुन्हे शाखेचे पोलिस पथक तसेच ठसेतज्ज्ञ घटनास्थळी दाखल झाले आहेत. तुरीच्या शेतात गुरुवारी दुपारच्या सुमारास ही घटना उघडकीस आली..नवी दिल्ली : बॅंक कर्ज घोटाळा प्रकरणात गंभीर आरोप झालेल्या उद्योगपती अनिल अंबानी यांची आणखी एक हजार ४०० कोटी रुपयांची संपत्ती सक्तवसुली संचालनालयाने (ईडी) जप्त केली आहे. याआधी ‘ईडी’ने अंबानी यांची साडेसात हजार कोटी रुपयांची संपत्ती जप्त केली होती. हवाला प्रतिबंधक कायद्यातील तरतुदींनुसार अंबानी यांच्या संपत्तीवर टाच आणण्याची मोहीम सुरू आहे..मालेगाव तालुक्यातील डोंगराळे गावात तीन वर्षांच्या मुलीवर अत्याचार करून तिची हत्या केल्याच्या निषेधार्थ आज मालेगाव बंदची हाक देण्यात आलीये. तसेच दुपारी 11 वाजता आक्रोश मोर्चा काढत निषेध व्यक्त केला जाणार आहे. मालेगावच्या रामसेतू पूल ते अप्पर जिल्हाधिकारी कार्यालयापर्यंत हा आक्रोश मोर्चा असेल..बंगळूर : कर्नाटकात मुख्यमंत्री सिद्धरामय्या आणि उपमुख्यमंत्री डी. के. शिवकुमार यांच्यातील ‘सत्तावाटप’ करारावरील मुद्दा पुन्हा एकदा ऐरणीवर आला आहे. सरकारला अडीच वर्षे पूर्ण होत असताना मंत्रिमंडळ फेरबदल आणि नेतृत्व बदलाच्या मागण्यांमुळे काँग्रेस हायकमांड द्विधा मन:स्थितीत आहे. सध्या तरी ‘यथास्थिती’ कायम ठेवण्याचा निर्णय घेण्यात आला असून, संसद अधिवेशनानंतरच पुढील पाऊल उचलले जाईल, असे वरिष्ठ सूत्रांचे म्हणणे आहे..नवी दिल्ली : काँग्रेसचे नेते राहुल गांधी यांच्याविरोधात लखनौच्या न्यायालयात सुरू असलेल्या खटल्याच्या सुनावणीला सर्वोच्च न्यायालयाने चार डिसेंबरपर्यंत स्थगिती दिली आहे. २०२२ मध्ये ‘भारत जोडो’ यात्रेवेळी राहुल गांधी यांनी लष्कराच्या विरोधात आक्षेपार्ह टिपणी केली होती. यासंदर्भात उदय शंकर श्रीवास्तव नावाच्या व्यक्तीने गांधी यांच्याविरोधात याचिका दाखल केली होती. यावर न्यायालयाने राहुल गांधी यांना समन्स बजावत सुनावणीसाठी हजर राहण्याचे निर्देश दिले होते. लखनौ न्यायालयाने बजावलेल्या समन्सला राहुल गांधी यांनी गत मे महिन्यात अलाहाबाद उच्च न्यायालयात आव्हान दिले होते. न्यायालयाने याचिका फेटाळल्यानंतर गांधी यांनी सर्वोच्च न्यायालयात धाव घेतली होती..कोल्हापूर, पन्हाळा : नगर परिषद आणि पंचायत समितीचे उमेदवारी अर्ज माघारी घेण्याचा आज (ता. २१) शेवटचा दिवस आहे. त्यामुळे माघारीनंतर निवडणूक दुरंगी होणार की तिरंगी हे स्पष्ट होईल. .Latest Marathi Live Updates 21 November 2025 : पुण्यातून कोकणात फिरण्यासाठी निघालेल्या तरुणांच्या मोटार ताम्हिणी घाटात रायगड हद्दीतील धोकादायक वळणावर सुमारे पाचशे फूट खोल दरीत कोसळली. या अपघातात मोटारीतील सहाही तरुणांचा मृत्यू झाला. तसेच नगर परिषद आणि पंचायत समितीचे उमेदवारी अर्ज माघारी घेण्याचा आज (ता. २१) शेवटचा दिवस आहे. त्यामुळे माघारीनंतर निवडणूक दुरंगी होणार की तिरंगी हे स्पष्ट होईल. संयुक्त जनता दलाचे(जेडीयू) प्रमुख नितीश कुमार यांनी गुरुवारी दहाव्यांदा बिहारच्या मुख्यमंत्रिपदाची शपथ घेतली. काँग्रेसचे नेते राहुल गांधी यांच्याविरोधात लखनौच्या न्यायालयात सुरू असलेल्या खटल्याच्या सुनावणीला सर्वोच्च न्यायालयाने चार डिसेंबरपर्यंत स्थगिती दिली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : ठाण्यात एकनाथ शिंदेंच्या पदाधिकाऱ्यांना भाजपच्या माजी नगरसेवकाकडून मारहाण

Thane Live : ठाण्यात एकनाथ शिंदेच्या पदाधिकाऱ्यांना भाजपच्या पदाधिकाऱ्यांकडून मारहाण

Related Stories