Latest Marathi News Live Update : आखाती देशातील युद्धजन्य परिस्थितीमुळे मच्छिमारांसाठी सवलतीच्या डिझेलवर परिणाम

आखाती देशातील युद्धजन्य परिस्थितीचा परिणाम मच्छिमारांच्या सवलतीच्या डिझेलवरमच्छिमारांना दिल्या जाणाऱ्या सवलतीच्या डिझेलच्या दरात २३ रुपये इतकी विक्रमी वाढमच्छिमारांसाठी दिल्या जाणाऱ्या डिझेलची किंमत ९२ रुपयांवरून गेली ११५ वरएका मासेमारी नौकेला सर्व साधारण ३५०० लिटरचे डिझेलवाढत्या दरामुळे मच्छिमारांच्या खिशाला महिन्याला अतिरिक्त १ लाखांचा बोजाकंझ्युमर कॅटेगरी अंतर्गत डिझेल दरवाढ लागू, रेल्वे विमान सेवेसोबत मच्छिमारांचा समावेशएका बोटीला एका फेरीसाठी लागले २ ते ३ हजार लिटर डिझेल.- नाशिकच्या भोंदू अशोक खरात प्रकरणात मोठी अपडेट- शिवनिका संस्थानच्या ट्रस्टींचीही चौकशी होणार असल्याची सूत्रांची माहिती- संस्थानचे अध्यक्षपद भोंदू अशोक खरातकडे होते- काही वर्षांपूर्वी जुन्या ट्रस्टींनी साथ सोडल्यानंतर नव्या विश्वस्तांची केली होती नियुक्ती.धाराशिव जिल्ह्यातील भूम तालुक्यामध्ये रेशीम उद्योग शेतकऱ्यांना अवकाळी चा फटका बसला आहे. अतिवृष्टी झालेल्या भूम परंडा तालुक्यात पारंपारिक उत्पादन सोडून शेतकरी रेशीम उद्योगाकडे वळाला आहे मात्र जिल्ह्यात मागील चार दिवस पडलेल्या अवकाळी पाऊस आणि गारपिटीमुळे या उत्पादनालाही त्याचा फटका बसला आहे.नुकसान झालेल्या रेशीम उद्योगाचे पंचनामे करण्याची मागणी शेतकऱ्यांनी केली आहे..देवरुख : चैत्र महिन्यातील पहिल्याच रविवारी भरलेल्या देवरुखच्या आठवडा बाजारात आज उत्सवाचे वातावरण पाहायला मिळाले. बाजारात खरेदीसाठी नागरिकांनी मोठी गर्दी केली होती. यंदा बाजारात खास आकर्षण ठरले ते म्हणजे कोकणची अस्सल ओळख असलेल्या ‘रायवळ’ कैरीचे आगमन. संगमेश्वर तालुक्यातील मेघी, कनकाडी, आंगवली, सायले, काटवली, निवे, कोंढरण आणि चाफावली या परिसरातून मोठ्या प्रमाणात रायवळ कैरी देवरुखच्या बाजारात विक्रीसाठी आली आहे. उत्पादन घटले असले तरी रासायनिक खते किंवा औषधांचा वापर न करता निसर्गाशी लढा देत टिकून राहिलेल्या या अस्सल रायवळ कैरीला बाजारात १०० रुपये प्रति किलो असा समाधानकारक भाव मिळत आहे. चांगला दर मिळत असल्याने स्थानिक शेतकऱ्यांच्या चेहऱ्यावर आनंदाचे वातावरण आहे..घोरपडी : मगरपट्टा सोसायटीच्या मागील बाजूस असलेल्या कालव्याला भगदाड पडल्याने मोठ्या प्रमाणात पाणी बाहेर पडत असून परिसरात पूरसदृश परिस्थिती निर्माण झाली आहे. या घटनेमुळे नागरिकांमध्ये भीतीचे वातावरण पसरले आहे. कॅनालमधून वेगाने वाहणारे पाणी रस्त्यावर येत असून मगरपट्टा सोसायटीमध्ये पाणी शिरले आहे. तसेच हडपसर औद्योगिक वसाहतीमध्ये अनेक कंपन्यांमध्ये पाणी शिरले आहे. जवळच असलेल्या जहांगीर नगर येथील वस्तीमध्ये ही पाणी शिरत असून नागरिक भयभीत झाले आहेत. .तळेरे : धोंडेवाडी (ता. कराड, जि. सातारा) येथील प्रवीण काकडे यांची ऑल इंडिया धनगर समाज महासंघ, दिल्लीच्या महाराष्ट्र प्रदेशाध्यक्षपदी पुनर्निवड करण्यात आली आहे. राष्ट्रीय अध्यक्ष अजयपाल सिंह होळकर यांनी दिल्ली येथे या निवडीची अधिकृत घोषणा केली. काकडे यांच्या या निवडीमुळे त्यांचे संपूर्ण कोकणासह महाराष्ट्रातून अभिनंदन होत आहे. काकडे यांनी महासंघात जिल्हा उपाध्यक्षपदापासून आपल्या कामाला सुरुवात केली. त्यांच्या निष्ठेमुळे आणि कामाच्या झपाट्यामुळे त्यांनी प्रदेशाध्यक्ष पदापर्यंत मजल मारली आहे. गेल्या २५ वर्षांपासून समाजकार्याचा वारसा जपला आहे. दुर्गम भागातील विद्यार्थ्यांना मुख्य शैक्षणिक प्रवाहात आणण्यासाठी मोलाचे योगदान दिले आहे. गोरगरीब जनतेला मदत देण्यासाठी सामाजिक उपक्रम राबवले आहेत. या निवडीबद्दल सर्वस्तरांतून काकडे यांचे कौतुक होत आहे..पेड : येथे गुढी पाडव्यानिमित्त सिद्धनाथ मंदिराजवळ पंचांग वाचन करण्यात आले. यंदा माळी यांच्या घरी पाऊस आल्याने तो मध्यम प्रमाणात होणार असून यावेळी खरीप हंगाम चांगला साधणार आहे. रब्बी हंगामात पाऊसमान कमी प्रमाणात पडेल, असे भाकीत यावेळी करण्यात आले. .जोतिबा डोंगर : जोतिबा मंदिर परिसरात आज दुपारी बिगर मानाची सासनकाठी घेऊन आलेल्या तरुण भाविकांकडून देवस्थानचे कर्मचारी व पुजारी यांना धक्काबुक्की करून मारहाण करण्याचा प्रयत्न झाला. यावेळी मुख्य मंदिर परिसरात गोंधळ उडाला. याबाबतची अधिक माहिती अशी, आज मुख्य मंदिरात धार्मिक विधी सुरू होते. त्यावेळी परिते (ता. करवीर) येथील ही बिगर मानाची सासनकाठी मंदिर परिसरात आली. त्यांनी जोरात हलगी वादन सुरू करून दंगा करण्यास सुरुवात केली..पुणे : ६८ व्या महाराष्ट्र केसरी कुस्ती स्पर्धेत नाशिकच्या हर्षवर्धन सदगीरने दुसऱ्यांदा मानाची गदा पटकावली. त्याचा प्रतिस्पर्धी सोलापूरच्या महेंद्र गायकवाड तिसऱ्यांदा अंतिम फेरीत जाऊनही त्याला हा किताब पटकावता आला नाही. विजेत्या हर्षवर्धनला शालेय शिक्षण मंत्री दादा भुसे, कृषी मंत्री दत्ता भरणे व कुस्तीगीर संघाच्या पदाधिकाऱ्यांच्या तर्फे फॉर्च्युनर मोटार, मानाची चांदीची गदा आणि रोख पाच लाख रुपये बक्षीस देण्यात आले. उपमहाराष्ट्र केसरीसाठी स्कॉर्पिओ मोटार, रोख चार लाख रुपये बक्षीस देण्यात आले. सदगीर हा मूळ अहिल्यानगर जिल्ह्यातील अकोल्याचा आहे. त्याच्या विजयाने नगर जिल्ह्यात जल्लोष करण्यात आला..छत्रपती संभाजीनगर : अवकाळी पाऊस, गारपीट आणि वादळी वाऱ्यामुळे ‘मराठवाड्याचा हापूस’ म्हणून ओळखल्या जाणारा केशर आंबा उत्पादक संकटात सापडले. यामुळे शेतकऱ्यांची चिंता वाढली. फळगळ झाली असून यंदा उत्पादनात सरासरी तब्बल ६० टक्क्यांपर्यंत घट होण्याची शक्यता ज्येष्ठ फळबाग शास्रज्ञ भगवान कापसे यांनी व्यक्त केली..जालना : ‘ऑल इंडिया ओबीसी ऑर्गनायझेशन’चे नेते शब्बीर अहमद अन्सारी (वय ७९) यांचे दीर्घ आजाराने रविवारी (ता. २२) दुपारी साडेबाराच्या सुमारास येथील निवासस्थानी निधन झाले. त्यांच्या निधनाने ओबीसी चळवळीची हानी झाल्याची भावना ओबीसी नेत्यांनी व्यक्त केली. ओबीसी संघटनेच्या माध्यमातून शब्बीर अहमद अन्सारी हे देशभरात ओबीसी आरक्षणाच्या लढणारे म्हणून ओळखले जात होते. ओबीसींच्या न्याय्य हक्कासाठी त्यांनी आपले आयुष्य समर्पित केले होते. त्यांच्या मागे पत्नी, तीन मुलगे, सहा मुली असा परिवार आहे..Latest Marathi Live Updates 23 March 2026 : राज्याच्या कमाल तापमानात वाढ होत असतानाच, वादळी पावसाचे सावट अद्यापही कायम असल्याचे चित्र आहे. आज (ता. २३) दक्षिण मध्य महाराष्ट्र, मराठवाडा विजांसह वादळी पावसाची शक्यता असल्याने, तसेच कोकणात उष्ण लाट व दमट हवामानाचा अंदाज असल्याचे सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात उन्हाचा आणि उकाडा चटका कायम राहण्याची शक्यता आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : आखाती देशातील युद्धजन्य परिस्थितीमुळे मच्छिमारांसाठी सवलतीच्या डिझेलवर परिणाम

Ratnagiri Live: आखाती देशातील युद्धजन्य परिस्थितीमुळे मच्छिमारांसाठी सवलतीच्या डिझेलवर परिणाम

Related Stories