Latest Marathi News Live Update : हरीश राणा यांचे पार्थिव अंत्यसंस्कारासाठी 'ग्रीन पार्क स्मशानभूमीत आणले

भारतात इच्छामरणाची परवानगी मिळणारे पहिले व्यक्ती ठरलेल्या हरीश राणा यांचे पार्थिव, अंत्यसंस्कारासाठी 'ग्रीन पार्क स्मशानभूमी'त आणण्यात आले. १३ वर्षांहून अधिक काळ कोमात राहिल्यानंतर, मंगळवारी दिल्लीतील 'एम्स' रुग्णालयात राणा यांचे निधन झाले..रामनवमीनिमित्त शेगाव येथील संत गजानन महाराजांचे मंदिर आज आणि उद्या 24 तास भाविकांसाठी खुले असणार आहे. मंदिर प्रशासनाने हा निर्णय घेतला आहे. उद्या रामनवमी असल्याने राज्यभरातून शेकडो दिंड्या या शेगावच्या दिशेने निघाल्या आहेत. उद्या रामनवमी असल्याने आजपासून शेगावात लाखो भाविकांची मांदियाळी आहे..रामनगर : अनमोड घाटातील गोवा हद्दीत असणाऱ्या दूधसागर मंदिराच्या खालच्या बाजूस २ ऑक्टोबर २०२५ रोजी होस्पेट येथून गोवा येथे खनिज वाहतूक करणारा दहा चाकी ट्रक ब्रेक फेल होऊन दरीत कोसळला होता. हा ट्रक दरीतून रस्त्यावर काढण्यासाठी ट्रक मालकाने मडगाव जिल्हाधिकाऱ्यांकडे चार तास वाहतूक ठप्प ठेवण्याची विनंती अर्ज केला होता. त्याची दखल घेऊन बुधवारी (ता.२५) सकाळी सहा ते दहा यावेळेत ट्रक काढण्यासाठी वाहतूक बंद ठेवण्याचा आदेश कुळे पोलिसांना दिला आहे. .राज्याच्या कमाल तापमानात हळूहळू वाढ होत आहे. गेले काही दिवस सुरु असलेल्या अवकाळी पावसाने धुमाकूळ घातला होता. त्यानंतर आता तापमानात वाढ होऊन उन्हाचा चटका जाणवू लागला आहे. मात्र, काही भागांमध्ये दक्षिण मध्य महाराष्ट्र, मराठवाड्यात विजांसह वादळी पावसाची शक्यता असून कोकणात उष्ण व दमट हवामानाचा अंदाज असल्याने यलो अलर्ट देण्यात आला आहे..बेळगाव : बेळगाव शहरासह ग्रामीण भागातील अनेक ठिकाणी मंगळवारी वादळी वाऱ्यासह गारपिटीने तडाखा देत पावसाने एक तासाहून अधिक काळ जोरदार हजेरी लावली. अचानक आलेल्या या पावसामुळे बाजारपेठेतील विक्रेत्यांसह विद्यार्थी, प्रवासी नागरिकांना मोठ्या अडचणींचा सामना करावा लागला. वळवाचा जोर अधिक असल्याने शिवाजीनगर, शहापूर, वडगाव, टिळकवाडी येथील अनेक सखल भागात पाणी साचून राहिले. तसेच वादळी वाऱ्यामुळे शहराच्या काही भागांत झाडाच्या फांद्या कोसळल्या आहेत..बंगळूर : शहरातील अमली पदार्थविरोधी कारवाईत मोठे यश मिळवत सीसीबी (क्राईम ब्रँच) पोलिसांनी पाच ड्रग तस्करांना अटक केली असून, सुमारे ११.४ कोटींचे अमली पदार्थ जप्त केले. शहराचे पोलिस आयुक्त सीमंत कुमार सिंग यांनी पत्रकार परिषदेत ही माहिती दिली. अटक केलेल्या आरोपींकडून तीन किलो ९१२ ग्रॅम एमडीएमए, ३४३ किलो १७० ग्रॅम गांजा, एक मालवाहू वाहन आणि एक मोबाईल फोन जप्त केला..हडपसर परिसरातील कालवा फुटी प्रकरणी जलसंपदा मंत्र्यांनी अभियंत्यांना नोटीस बजावली आहे. सोमवारी पहाटे शिंदे वस्ती येथे 22 किलोमीटरचा नवीन मोठा कालवा फुटल्याने लाखो लिटर पाणी वाया गेले. याचे पडसाद विधानमंडळात आणि सभा महापालिकेच्या सर्वसाधारण सभेत पाहायला मिळाले. खडकवासला प्रकल्पाचे कार्यकारी अभियंता आणि कनिष्ठ अभियंता या तिघांना जलसंपदा मंत्री यांनी कारणे दाखवा नोटीस पाठवली आहे..शिरढोण : रत्नागिरी-नागपूर राष्ट्रीय महामार्गावर शिरढोण (ता. कवठेमहांकाळ) येथील एका हॉटेलसमोर उभ्या असलेल्या ट्रॅक्टरच्या ट्रॉलीला मोटारीची पाठीमागून जोराची धडक बसून झालेल्या भीषण अपघातात कसबा बावडा-कोल्हापूर येथील दाम्पत्य ठार झाले. अपघात एवढा भयानक होता की, मृत वकील महिलेच्या चेहऱ्याचा चेंदामेंदा झाला होता. .Latest Marathi Live Updates 25 March 2026 : बारामती विमान अपघातप्रकरणी अखेर ‘झिरो एफआयआर’ने बंगळूर येथील पोलिस ठाण्यात गुन्हा नोंदविण्यात आला आहे. या अपघातात तत्कालीन उपमुख्यमंत्री अजित पवार यांच्यासह पाच जणांचा मृत्यू झाला. या भीषण अपघातामागे मोठे गुन्हेगारी कटकारस्थान असल्याचा गंभीर आरोप फिर्यादीत केला आहे. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : हरीश राणा यांचे पार्थिव अंत्यसंस्कारासाठी 'ग्रीन पार्क स्मशानभूमीत आणले

Delhi Live : हरीश राणा यांचे पार्थिव अंत्यसंस्कारासाठी 'ग्रीन पार्क स्मशानभूमीत आणले

Related Stories