Latest Marathi News Live Update : बोरिवलीत भाजप आणि ठाकरेंच्या कार्यकर्त्यांत हाणामारी

बोरिवलीत भाजप आणि ठाकरे गटाच्या कार्यकर्त्यांमध्ये टॅंकर लावण्यारुन हाणामारी झाली आहे. यात भाजपचे गणेश खेणकर जखमी झाले आहेत..देशभरात संविधान दिन साजरा होत असताना बुधवारी फ्रान्समध्ये महाराष्ट्रासह देशाची मान अभिमानाने उंचावणारी घटना घडली. भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या पुतळ्याचे पॅरिसमधील युनेस्कोच्या मुख्यालयात अनावरण करण्यात आलं. हा पुतळा महाराष्ट्र सरकारकडून भेट देण्यात आला आहे..पुणे : देवदर्शनावेळी झालेल्या परिचयातून एका महिलेने एकाशी ओळख वाढविली. त्यानंतर त्या व्यक्तीला भाऊ मानत असल्याचा दिखावा करत त्याला काशी विश्वनाथला नेले. तेथे त्याला शरीरसंबंध ठेवण्यास भाग पाडले व त्यानंतर त्याच्याकडे दोन लाख रुपयांची खंडणी मागितली. पैसे दिले नाहीत, तर फोटो व्हायरल करेन, अशी धमकी दिल्याचा धक्कादायक प्रकार समोर आला आहे. .सोलापूर जिल्ह्यातील सांगोला नगरपरिषद निवडणुकीत शिवसेना विरुद्ध भाजप अशी थेट लढत होत आहे. शिवसेनेचे माजी आमदार शहाजी पाटील यांनी भाजप समोर मोठं आव्हान उभं केलं आहे. त्यामुळे येथे भाजपची प्रतिष्ठा पणाला लागली आहे. दरम्यान, रविवारी मुख्यमंत्री देवेंद्र फडणवीस यांची सांगोल्यात सभा होणार आहे..बंगळूर : राज्य काँग्रेसमध्ये मुख्यमंत्रिपदाचा संघर्ष चिघळत असून, मुख्यमंत्री सिद्धरामय्या आणि उपमुख्यमंत्री डी. के. शिवकुमार यांच्यातील सत्ता वाटपाचा वाद हा काँग्रेस हायकमांडसमोरील मोठे आव्हान ठरत आहे. या पार्श्वभूमीवर, मुख्यमंत्रिपदाचा मुद्दा लवकरच मार्गी लागेल, असे संकेत काँग्रेसचे अध्यक्ष मल्लिकार्जुन खर्गे यांनी बुधवारी दिले. ‘सोनिया गांधी, राहुल गांधी आणि मी एकत्र चर्चा करून अंतिम निर्णय घेऊ’, असे खर्गे यांनी स्पष्ट केले..श्रीरामपूर : काँग्रेसचे जिल्हाध्यक्ष सचिन रंगराव गुजर (वय ५४, रा. श्रीरामपूर) यांचे काल सकाळी सहा जणांनी अपहरण केले. आरोपींनी त्यांना मारहाण केली, त्यांचे कपडे काढून घटनेचा व्हिडिओ तयार केला. मारहाणीत गंभीर जखमी झालेल्या गुजर यांच्यावर शहरातील खासगी रुग्णालयात उपचार सुरू आहेत. त्यांच्या जबाबावरून श्रीरामपूर शहर पोलिस ठाण्यात चंदू आगे याच्यासह सहा जणांविरुद्ध गुन्हा दाखल झाला आहे. .पुणे : विदर्भात आज (ता. २७) किमान तापमानात घट होण्याची तसेच उर्वरित राज्याच्या तापमानातील वाढ कायम राहण्याची शक्यता हवामान विभागाने वर्तविली आहे.तसेच राज्यात थंडी पूर्णपणे ओसरली असून, अंशतः ढगाळ आकाश होत आहे. राज्यात उन्हाचा चटका आणि उकाडा तापदायक ठरत आहे. .Latest Marathi Live Updates 27 November 2025 : अहमदाबाद या शहराला २०३० मधील राष्ट्रकुल स्पर्धेचे यजमान म्हणून अपेक्षेप्रमाणे शिक्कामोर्तब झाले. तसेच राष्ट्रकुल क्रीडा असेंब्लीने हे यजमानपद अधिकृतपणे बहाल केले. अकादमी पुरस्कार म्हणजे ऑस्करसाठी भारताच्या दोन चित्रपटांना नामांकन निवड प्रक्रियेच्या प्राथमिक यादीत स्थान मिळाले आहे. डोंगराळे येथील घटनेच्या जखमा अद्याप भरतही नाहीत, तोच मालेगाव शहरात १४ वर्षीय गतिमंद अल्पवयीन मुलीवरील अत्याचाराने पुन्हा संताप उसळला आहे. विदर्भात आज (ता. २७) किमान तापमानात घट होण्याची तसेच उर्वरित राज्याच्या तापमानातील वाढ कायम राहण्याची शक्यता हवामान विभागाने वर्तविली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : बोरिवलीत भाजप आणि ठाकरेंच्या कार्यकर्त्यांत हाणामारी

Mumbai Live : बोरिवलीत भाजप आणि ठाकरेंच्या कार्यकर्त्यांत हाणामारी

Related Stories