राज्यात ओमिक्रॉनचे आणखी 2 रुग्ण; जाणून घ्या सविस्तर माहिती

मुंबई : राज्यात ओमिक्रॉनचे आणखी 2 रुग्ण (Omicron patients) आढळले असून एकूण रुग्णसंख्या 20 वर पोचली आहे. आज राष्ट्रीय विषाणू विज्ञान संस्थेने दिलेल्या अहवालानुसार राज्यात आणखी 2 रुग्ण ओमिक्रॉन (two more omicron patient) बाधित आढळले आहेत. यापैकी एक रुग्ण पुणे (pune) येथील आणि एक रुग्ण लातूर (Latur) येथील आहे.

आजपर्यंत राज्यात एकूण 20 ओमायक्रॉन विषाणू बाधित रुग्ण रिपोर्ट झाले आहेत. त्यात मुंबई - 5, पिंपरी चिंचवड 10, पुणे मनपा 2 कल्याण डोंबिवली -1 नागपूर 1 आणि लातूर 1 रुग्णांचा समावेश आहे. यापैकी 9 रुग्णांना त्यांची आर टी पी सी आर चाचणी निगेटिव्ह आल्यानंतर रुग्णालयातून घरी सोडण्यात आले असून त्यात मुंबईतील 3 रुग्णांचा समावेश आहे.

आज ओमायक्रॉन बाधित आढळलेल्या 2 रुग्ण हे लक्षणेविरहित आहेत. पुणे येथील 39 वर्षाची महिला तर लातूर येथील 33 वर्षाचा पुरुष रुग्ण आहे.सध्या हे दोन्ही रुग्ण विलगीकरणात असून त्यांचा आंतरराष्ट्रीय प्रवास दुबई येथे झाला आहे. या दोन्ही रुग्णांचे प्रत्येकी 3 निकटसहवासित कोविड निगेटिव्ह आले असून दोन्ही रुग्णांचे लसीकरण पूर्ण झाले आहे.

या शिवाय राज्यात 1 नोव्हेंबर पासून आलेल्या आंतरराष्ट्रीय प्रवाशांचे देखील क्षेत्रिय पातळीवर सर्वेक्षण सुरु आहे. विमानतळ आणि क्षेत्रीय सर्वेक्षणातून आतापर्यंत 107 प्रयोगशाळा नमुने जनुकीय तपासणीसाठी पाठविण्यात आले आहेत. यापैकी 20 नमुन्यांचा अहवाल अद्याप प्रलंबित आहे.