Shivsena : शिंदे-ठाकरेंच्या वादात शिवसेना नेत्याकडून मुख्यमंत्र्यांचं कौतुक; चर्चांना उधाण

Deepali Sayyad On Eknath Shinde : एकीकडे बंडखोरीनंतर शिंदे गट आणि शिवसेनेमध्ये आरोप प्रत्योरोपांच्या फैरी झाडल्या जात आहेत. तर अनेकांनी शिवबंध सोडून शिंदे गटाची वाट धरली आहे. यामुळे उद्धव ठाकरे यांच्यासमोर पक्ष आणि कार्यकर्ते कसे एकत्र ठेवायचे असा मोठा पेच निर्माण झाला आहे. हे सर्व होत असतानाच मात्र, शिवसेना नेत्या दीपाली सय्यद यांनी मुख्यमंत्री एकनाथ शिंदे यांचे तोंड भरून कौतुक केले आहे.

सय्यद यांनी शिंदेंची त्यांच्या नंदनवन निवासस्थानी जाऊन भेट घेतली. त्यानंतर त्या माध्यमांशी बोलत होत्या. सय्यद यांच्या या कौतुकानंतर दीपाली सय्यददेखील शिंदे गटात जाणार का? अशा चर्चांना उधाण आले आहे.

दीपाली सय्यद म्हणाल्या की, राज्याचे मुख्यमंत्री एकनाथ शिंदे अतिशय चांगल्या पद्धतीने काम करत आहेत. एवढेच नव्हे तर, ते कामं करण्याबरोबर अनेकांना भेटीगाठींसाठीदेखील पुरेसा वेळ देत आहेत. त्यामुळे प्रत्येकाची कामं युद्धपातळीवर होत आहेत.

मुख्यमंत्र्यांकडे कोणतही काम घेऊन गेलो की ते त्वरेने पूर्णत्वास नेली जात आहेत. शिंदेंनी जो कामाचा झपाटा लावला आहे तो कमालीचा आहे असी स्तुतीसुमनं सय्यद यांनी गायली आहेत. जर एखादी व्यक्ती झापाटूव कामं करत असेल तर, त्याचं कौतुकदेखील होण गरजेचं असल्याचे त्या म्हणाल्या.