राज्याला काहीसा दिलासा; नव्या 2,354 कोरोना बाधितांची नोंद

मुंबई : गेल्या काही दिवसांपासून सातत्याने चार हजरांपुढे नोंदवल्या जाणाऱ्या कोरोना बाधितांची आजची आकडेवारी काहिशी दिलासा देणारी आहे, गेल्या 24 तासांत राज्यात 2354 नव्या रुग्णांची भर पडली आहे. तर आज दिवसभरात एकूण 1,485 रुग्ण कोरोनामुक्त झाले आहेत. आज मुंबईत सर्वाधिक 1,310 रुग्णांची भर पडली असून, चोवीस तासांत राज्यात दोन कोरोनाबाधितांच्या मृत्युची नोंद करण्यात आली आहे. (Maharashtra Corona Update News)

दरम्यान, राज्यात रूग्ण बरे होण्याचे प्रमाण 97.83 टक्क्यांवर पोहोचले असून, मृत्यूदर 1.86 टक्के इतका झाला आहे. सध्या राज्यात 24,613 सक्रिय रुग्णांची नोंद करण्यात आली असून, सर्वाधिक 14,089 सक्रिय रूग्ण मुंबईत नोंदवण्यात आले आहेत. या पोठोपाठ ठाण्यात 5,522 सक्रिय रुग्णांची नोंद करण्यात आली आहे. तर दुसरीकडे देशातल मागील 24 तासांत 12 हजार 781 नवीन कोरोना रुग्णांची नोंद करण्यात आली आहे. तर, 8 हजार 537 रुग्णांनी कोरोनावर मात केली आहे. देशातील रुग्ण बरे होण्याचे प्रमाण 98.61 टक्क्यांवर पोहोचले आहे. तर दैनंदिन सकारात्मकतेचा दर 4.32 टक्के झाला आहे.