चिंता वाढली! राज्यात आज कोरोना मृत्यूची शंभरी पार

मुंबई : एकीकडे राज्यातील कोरोना रूग्णांची (Maharashtra Corona Update ) कमी होणारी आकडेवारी काहीसा दिलासा देत असताना राज्यात गेल्या 24 तासांत कोरोनामुळे 103 जणांच्या (Covid Death In Maharashtra) मृत्यूची नोंद करण्यात आली आहे. त्यामुळे प्रशासनासह नागरिकांच्या चिंतेत भर पडली आहे. तर गेल्या 24 तासात राज्यात कोरोनाच्या 24 हजार 948 नव्या रुग्णांची भर पडली आहे, तर45 हजार 648 रुग्ण कोरोनामुक्त होऊन घरी परतले आहेत. (Maharashtra Corona Latest News In Marathi)

राज्याचा मृत्यूदर 1.86 टक्के इतका नोंदविण्यात आला असून, राज्यातील रुग्ण बरे होण्याचे प्रमाण 94.61 टक्क्यांवर नोंदविण्यात आले आहे. सध्या राज्यात 14 लाख 61 हजार 370 व्यक्ती गृहविलगीकरणात आहेत तर, 3, 200 व्यक्ती संस्थात्मक (Home Quarantine) विलगीकरणामध्ये आहेत. राज्यात आज 110 ओमिक्रॉनबाधितांची नोंद करण्यात आली असून, आतापर्यंत 3040 ओमिक्रॉनबाधितांची (Omicron Cases In Maharashtra) नोंद राज्यात करण्यात आली आहे. त्यापैकी 1, 603 रुग्ण ओमिक्रॉनमुक्त झाले आहेत.