राज्यात यंदा १०.६२ लाख टन साखरेचे उत्पादन

राज्यात यंदाच्या २०२०-२१ च्या हंगामात ९५ सहकारी आणि ९५ खासगी असा एकूण १९० कारखान्यांनी साखरेचे उत्पादन घेतले.
Sugar
SugarSakal

पुणे - राज्यात (Maharashtra) यंदाच्या हंगामात गतवर्षीच्या तुलनेत जवळपास दुप्पट म्हणजे एक हजार १२ लाख मेट्रिक टन उसाचे गाळप (Sugarcane) झाले असून, १०.६२ लाख टन साखरेचे उत्पादन (Sugar Production) घेण्यात आले आहे. गतवर्षीच्या हंगामात ५५० मेट्रिक टन उसाचे गाळप झाले होते. राज्यात अद्याप चार साखर कारखाने (Sugar Factory) सुरू असून, येत्या तीन-चार दिवसांत यंदाचा हंगाम संपेल, अशी माहिती साखर आयुक्त शेखर गायकवाड (Shekhar Gaikwad) यांनी दिली. (Maharashtra State produced 10.62 lakh Tonnes of Sugar this year)

राज्यात यंदाच्या २०२०-२१ च्या हंगामात ९५ सहकारी आणि ९५ खासगी असा एकूण १९० कारखान्यांनी साखरेचे उत्पादन घेतले. त्यापैकी १८६ साखर कारखान्यांची धुराडी बंद झाली आहेत. औरंगाबाद विभागातील जालना जिल्ह्यासह तीन साखर कारखाने आणि नगर विभागातील एका कारखान्यामध्ये गाळप हंगाम सुरू आहे. तेथील हंगामही चार दिवसांत पूर्ण होणार आहे.

यंदा सर्वाधिक गाळप कोल्हापूर विभागात झाले असून, साखरेच्या सरासरी उताऱ्याचे प्रमाण १२ टक्के इतके आहे. तर, पुणे विभाग ऊस गाळपात दुसऱ्या क्रमांकावर असून, सरासरी साखर उतारा १०.९७ टक्के इतका आहे.

Sugar
अमृता फडणवीसांच्या शायरीला रुपाली चाकणकरांचं 'तुफाँ तो इस शहर ने अक्सर झेला है'नं उत्तर

विभागनिहाय ऊस गाळप (मेट्रिक टन), साखरेचे उत्पादन (लाख क्विंटलमध्ये) आणि उतारा टक्केवारी -

कोल्हापूर २३१.०९ २७७.३८ १२

पुणे २३०.९३ २५३.२६ १०.९७

सोलापूर १७५.८६ १६४.८९ ९.३८

नगर १६९.६४ १६६.५८ ९.८२

औरंगाबाद १००.०३ ९६.९० ९.६९

नांदेड ९४.२८ ९४ ९.९७

अमरावती ५.८२ ५.२० ८.९३

नागपूर ४.३५ ३.९० ८.९७

पुणे जिल्ह्यातील गाळप हंगाम

पुणे जिल्ह्यात यंदा बारामती तालुक्यातील श्री सोमेश्वर साखर कारखाना, माळेगाव साखर कारखाना, इंदापूर तालुक्यातील छत्रपती साखर कारखाना, कर्मयोगी शंकरराव पाटील, नीरा भीमा, जुन्नर तालुक्यातील विघ्नहर, भोर तालुक्यातील राजगड, मुळशी तालुक्यातील श्री संत तुकाराम, शिरूर तालुक्यातील घोडगंगा, आंबेगाव तालुक्यातील भीमाशंकर या दहा सहकारी साखर कारखान्यांनी हंगाम घेतला. तर, दौंड तालुक्यातील श्रीनाथ म्हस्कोबा, अनुराज शुगर्स, दौंड शुगर, इंदापूर तालुक्यातील बारामती ॲग्रो, शिरूर तालुक्यातील व्यंकटेशकृपा शुगर मिल्स आणि पराग ॲग्रो फुड॒स या सहा खासगी कारखान्यांनी गाळप हंगाम घेतला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com