Rain Updates : राज्यात पावसाचा हाहाकार; मुसळधार पावसाचा इशारा

मुंबई : रविवारी (काल) दुपारनंतर राज्यातील अनेक भागांत जोरदार पावसाने हजेरी लावली आहे. त्यामुळे अनेक भागांतील नागरिकांचे नुकसान झाल्याच्या घटना घडल्या आहेत. त्याचबरोबर पुणे जिल्ह्याला काल सायंकाळी जोरदार पावसाने झोडपल्याने पुढच्या दोन दिवसांसाठी पावसाचा रेड अलर्ट देण्यात आला असून कोकण आणि विदर्भासह मराठवाड्यात विजेच्या गडगडाटासह मुसळधार पावसाची शक्यता वर्तवण्यात आली आहे.

(Maharashtra State Rain Updates)

दरम्यान, कालच्या पावसामुळे अनेक नागरिकांच्या घरात पाणी गेले होते. त्याचबरोबर पावसामुळे अडकून पडल्याच्या घटना घडल्या होत्या. जोरदार पावसामुळे पुण्याच्या खडकवासला धरणातून पाण्याचा विसर्ग करण्यात आला आहे. तर येणाऱ्या ४ ते ५ दिवसांत मुसळधार पावसाच्या इशाऱ्यामुळे सतर्कतेचे अवाहन करण्यात आले आहे.

नाशिक, धुळे, नंदुरबार, जळगाव, औरंगाबाद, अहमदनगर, पुणे, जालना, बुलढाणा, अकोला, अमरावती, वाशिम, वर्धा, नागपूर, चंद्रपूर, भंडारा, गोंदिया, गडचिरोली, यवतमाळ, नांदेड, सोलापूर, सांगली, सातारा, कोल्हापूर, रायगड, मुंबई, ठाणे, पालघर या जिल्ह्यात विजेच्या कडकडाटासह पावसाचा अंदाज वर्तवण्यात आला आहे. त्याचबरोबर मुंबईत पुढच्या तीन दिवसांत मुसळधार पावसाचा इशारा देण्यात आलाय.

पावसाचा रेड अलर्ट - पुणे

पावसाचा ऑरेंज अलर्ट - कोकण, विदर्भ

दरम्यान, अनेक ठिकाणी जोरदार पावसामुळे पूर आला असून शहरातील काही भागातील घरात पाणी घुसल्याच्या घटना घडल्या आहेत. त्याचबरोबर पाण्यामुळे शहरात वाहतूक कोंडी झाली होती. राज्यात अनेक ठिकाणी वीजा कोसळल्याच्या, झाडे पडल्याच्या घटना घडल्या आहेत. तर पुरामध्ये महिला वाहून गेल्याची घटना नाशिकमध्ये घडली आहे.