Latest Marathi News Update: दिवसभरातील महत्त्वाच्या घडामोडी वाचा एका क्लिकवर...

पुणे: सायबर चोरट्यांनी ऑनलाइन टास्कचे आमिष दाखवून आणि शेअर बाजारात गुंतवणुकीच्या बहाण्याने दोघांना २१ लाख रुपयांचा गंडा घातला. याबाबत पर्वती आणि नांदेड सिटी पोलिस ठाण्यात गुन्हा दाखल केला आहे.. पुणे महापालिकेचा मिळकतकर भरण्यास पुणेकरांनी भरभरून प्रतिसाद दिला असून, आर्थिक वर्ष सुरू झाल्यानंतर पहिल्या ५८ दिवसात तब्बल १००१ कोटी रुपये महापालिकेच्या तिजोरीत भरले आहेत. त्यामुळे महापालिकेला मोठा आर्थिक आधार मिळाला आहे..नाशिक : आगामी सिंहस्थ कुंभमेळ्याच्या पार्श्वभूमीवर गंगा गोदावरी पंचकोठी पुरोहित संघातर्फे सिंहस्थ कुंभमेळा ध्वजस्तंभ शिलान्यास पूजन येत्या ११ जूनला सकाळी नऊला होणार आहे. या वेळी नाणीज धामचे रामानंदाचार्य नरेंद्राचार्य महाराज उपस्थित राहतील. .वडनेरभैरव : येथील सनराईज हायस्कूलमधील शिक्षकाविरोधात अल्पवयीन विद्यार्थिनीचे छायाचित्र काढून तिला ब्लॅकमेल केल्याप्रकरणी ‘पॉक्सो’ कायद्यान्वये गुन्हा दाखल झाला आहे. ही घटना समोर आल्यानंतर परिसरात खळबळ उडाली आहे. याबाबत वडनेरभैरव पोलिसांत गुन्हा दाखल झाला. पोलिसांनी दिलेल्या माहितीनुसार, मनसूर सादिक मनियार (वय ३१, रा. खेडगाव, ता. दिंडोरी) असे संशयिताचे नाव आहे. तो वडनेरभैरव येथील सनराईज हायस्कूलमध्ये शिक्षक म्हणून कार्यरत आहे..घाटनांद्रे : कवठेमहांकाळ तालुक्यातील दहा लघु व एका मध्यम प्रकल्पातील पाणीसाठ्यात दिवसेंदिवस घट होत असून सध्या केवळ ३४ टक्के पाणीसाठा शिल्लक राहिला आहे. वाढत्या तापमानामुळे तलावांतील पाण्याची पातळी झपाट्याने कमी होत असल्याने शेतकरी चिंतेत आहेत..देगलूर : खानापूर ते देगलूर दरम्यान सुरू असलेल्या एका मंगल कार्यालयाच्या नियोजित बांधकामावर विद्युत जोडणीचे काम करत असताना विद्युत तारेचा स्पर्श झाल्याने हणमंत मुर्गे या तरुण होतकरू तरुणाचा दुर्देवी मृत्यू झाला. ही घटना गुरुवारी (ता.२८) रोजी सकाळी सात वाजता घडली..पुणे : नसरापूर परिसरात अवघ्या तीन वर्षांच्या चिमुरडीवर लैंगिक अत्याचार करून तिचा निर्घृण खून केल्याच्या संवेदनशील खटल्याची सुनावणी गुरुवार (ता. २८) पासून येथील विशेष न्यायालयात सुरू झाली. न्यायालयाने सरकार पक्षाकडे आरोपीविरुद्ध भक्कम पुरावे असल्याचे स्पष्ट करत दोषारोप निश्चित केले. आरोपी भीमराव कांबळे याला सकाळी ११ वाजता कडक पोलिस बंदोबस्तात न्यायालयासमोर हजर केले. प्रकरणाचे गांभीर्य लक्षात घेत या खटल्याची सुनावणी उद्यापासून दररोज ‘इन-कॅमेरा’ घेण्याचा आदेश न्यायालयाने दिला. .चंद्रपूर जिल्ह्यात तापमान सातत्याने 47 डिग्री सेल्सियस होत असतानाच मान्सूनपूर्व पावसाच्या सरींनी थोडा दिलासा मिळाला. चंद्रपूर जिल्ह्यातील गोंडपिपरी भागात दुपारच्या सुमारास अचानक मेघ दाटून आले. सोसाट्याचा वा-यासह जिल्ह्यात पावसाने हजेरी लावली होती..पानशेत धरण कालव्यात बुडून युवकाचा दुर्दैवी मृत्यू झाला. पानशेत धरणाच्या कालव्यामध्ये पाण्याचा अंदाज न आल्याने युवकाचा मृत्यू झाला. तन्मय संदीप शेठे (वय २२, रा. नऱ्हे, पुणे, मूळ गाव जुन्नर) हा युवक पानशेत धरणाच्या कालव्यात पोहण्यासाठी उतरला असताना अचानक खोल पाण्यात ओढला गेल्याने त्याचा दुर्दैवी मृत्यू झाला. ही घटना समजताच वेल्हे पोलीस स्टेशनला तात्काळ माहिती देण्यात आली..कन्नड : तालुक्यातील गव्हाली येथे घरासमोरील अंगणात खाटेवर झोपलेल्या एका ६५ वर्षीय वृद्ध महिलेवर वानराने प्राणघातक हल्ला केल्याची थरारक घटना गुरुवारी (ता. २८) रात्री साडेबारा वाजेच्या सुमारास घडली. हिराबाई नारायण पवार (वय ६५, रा. तलवाडा, ता. वैजापूर) असे वानराच्या हल्ल्यात जखमी झालेल्या महिलेचे नाव आहे. त्यांच्यावर सध्या छत्रपती संभाजीनगर येथील शासकीय रुग्णालयात उपचार सुरू आहेत..गेल्या काही दिवसांपासून डिझेलसाठी पंपांवर लागलेल्या वाहनांच्या लांबच लांब रांगा आता गायब झाल्या आहेत. पुरवठा पूर्ववत झाल्याने वाहनधारक आणि शेतकऱ्यांनी सुटकेचा श्वास सोडला आहे. एक ते दोन मिनिटात पाहिजे तितकेच डिझेल आता उपलब्ध होत आहे..इचलकरंजीत आयपीएल क्रिकेटवर बेटींग प्रकरणी दाखल केलेल्या गुन्ह्याची व्याप्ती वाढली आहे. या प्रकरणी भाजपचा नगरसेवक नितेश पोवार याला अटक करण्यात आली आहे. त्यामुळे प्रकरणातील अटक करण्यात आलेल्या संशयित आरोपींची संख्या १७ वर पोहचली आहे. .गोदावरी तांडा येथील विद्यार्थ्याला नीट परीक्षेत गुण मिळाले केले होते. परंतु नीट परीक्षा रद्द झाल्यामुळे तणावात गेलेल्या अठरा वर्षे विद्यार्थ्याने विषारी औषध प्राशन करून आत्महत्या केल्याची घटना घडली..28 मे ते 2 मे पर्यंत बकरी ईद आणि उरूस काळात ही परवानगी 2024 मधील नियमाच्या अधीन राहूनच धार्मिक विधी करण्याच्या सूचना प्रशासनाकडून 27 मे पासून पशुहत्येला परवानगी नाकारण्यात आलेली मात्र आता न्यायालयाच्या आदेशानंतर आजपासून धार्मिक विधी साजरे केले जाणार प्रशासनाच्या देखरेखेकीखाली उरूस आणि बकरी ईद काळातील सर्व विधी पूर्ण केल्या जाणार.नागपूर जिल्ह्यातील उमरेड येथे दाखल अंमली पदार्थ तस्करीच्या गुन्ह्याचा सखोल तपास करत पोलिसांनी थेट झारखंड राज्यात धाड टाकली. या कारवाईत टोळीचा म्होरक्या असलेल्या हॉटेल व्यावसायिकाला अटक करण्यात आली आहे...लासलगाव, चांदवड येथे मोठे आंदोलन झाले. संपूर्ण रोष बघितल्यानंतर राज्य शासनावतीने मुख्यमंत्री यांघ्या अध्यक्षेत खाली केंद्रीय मंत्री अमित शहा यांची भेट घेऊन शेतकऱ्यांच्या काही मागण्या सांगितल्या. पण 15 रुपये 80 पैसे दराने तीन दिवसात कांदा खरेदी अद्यापही केली नसल्याचा दावा जयदत्त होळकर यांनी केला आहे..ठाण्यात शिवसेनेवर भाजपचं दबाव तंत्राची चर्चा सुरू. बहुजन विकास आघाडीच्या माजी महापौरांसोबत भाजप नेत्यांची खलबतं झाली. भाजपचे खासदार हेमंत सवरा व आमदार राजन नाईक यांनी राजीव पाटील यांची भेट घेतल्याचे वृत्त. ठाणे विधान परिषदेसाठी राजीव पाटील यांच्या नावाची चर्चा सुरू. रविंद्र फाटक, क्षितिज ठाकूर नंतर तिसरा बडा चेहरा निवडणुकीच्या चर्चेत आहे. शिवसेना क्षितिज ठाकूर यांच्या नावाचा विचार करत असताना भाजप राजीव पाटील यांच्या पाठिशी? अशी चर्चा सुरू आहे..मनोज जरांगे यांच्या मागण्या संविधानाला धरून नाही. त्यांची मागणी चूक आहे. हल्याकडून दूध मिळणार नाही, शेण मिळेल असा टोला प्राध्यापक लक्ष्मण हाके यांनी लगावला. मनोजदादा जरांगे यांनी उपोषण करू नये असे आवाहन केले आहे..राज्याचे माजी अर्थमंत्री आणि राष्ट्रवादी काँग्रेस पार्टी शरदचंद्र पवार पक्षाचे ज्येष्ठ नेते जयंतराव पाटील यांनी कठीण आर्थिक परिस्थितीत नागरिकांच्या हिताचा विचार करून राज्य शासनाने पेट्रोल-डिझेलवरील व्हॅट व सरचार्ज तात्काळ रद्द करण्याचा निर्णय घ्यावा अशी मागणी मुख्यमंत्री देवेंद्र फडणवीस यांच्याकडे पत्राद्वारे केली आहे..वाघोली मध्ये पुणे-अहिल्यानगर रोडलगत असलेल्या वाघोली परिसरात पावसाळी गटार लाईनमध्ये सांडपाणी सोडणाऱ्यां विरोधात महापालिकेने कारवाईचा बडगा उगारला आहे. टोयोटा शोरूमकडून पावसाळी गटार लाईनला सांडपाण्याची जोडणी केल्याचे निदर्शनास आल्यानंतर संबंधित शोरूमवर ५० हजार रुपयांची दंडात्मक कारवाई करण्यात आली..इंधनाचा कोणताही तुटवडा नसताना बाजार समिती बंद का ठेवली याचा 24 तासात खुलासा करण्याचे आदेशबाजार समितीमध्ये व्यापाऱ्यांनी हळदीचे लिलाव बंद पाडत डिझेल उपलब्ध नसल्याचे कारण देत शेतकऱ्यांचा माल खरेदी करण्यासाठी दिला होता नकारमालवाहू गाड्यांना डिझेल मिळत नसल्याने व्यापाऱ्यांनी शेतकऱ्यांची हळद खरेदी न करण्याचा निर्णय घेतल्यानंतर साम टीव्ही ने दाखवली होती बातमी.पुणे आणि पिंपरी चिंचवड परिसरातील पालकांना लवकरच स्कूल बस आणि व्हॅनच्या वाढीव भाड्याचा सामना करावा लागू शकतो. देशभरात वाढलेल्या इंधन दरांचा परिणाम आता स्कूल बस चालक-मालकांवर होत असून, त्याचा थेट फटका पालकांच्या खिशालाही बसणार आहे..अमरावती जिल्ह्यात उष्णतेची तीव्र लाट कायम असून आज आणि उद्यासाठी ऑरेंज अलर्ट जारी करण्यात आला आहे. जिल्ह्यात आजही तापमानाचा पारा तब्बल ४४ अंश सेल्सिअसपर्यंत पोहोचल्याने नागरिकांना प्रचंड उकाड्याचा सामना करावा लागत आहे. दुपारच्या वेळेत रस्त्यांवर शुकशुकाट पाहायला मिळत असून नागरिकांनी आवश्यक कामांशिवाय बाहेर पडू नये, असे आवाहन प्रशासनाकडून करण्यात आले आहे..पिंपरी-चिंचवड संशयातून प्रियकराची कपड्यांच्या दुकानात घुसून प्रेयसीला बेदम मारहाणपिंपरी चिंचवड शहरात मोशी परिसरातील एका कपड्यांच्या दुकानात घुसून प्रियकराने आपल्याच प्रेयसीला बेदम मारहाण केल्याची धक्कादायक घटना समोर आली आहे.संशयावरून झालेल्या वादातून हा प्रकार घडला असून, संतप्त तरुणाने तरुणीला लाथा-बुक्क्यांनी आणि चापटांनी अमानुषपणे मारहाण केली..नसरापूर अत्याचार अत्याचार प्रकरणातील सगळ्यात मोठी बातमी28 दिवसात आरोपी भीमराव कांबळे विरोधात आरोप निश्चितनसरापूर अत्याचार आणि हत्या प्रकरणात आरोपीविरोधात आरोप निश्चितन्यायालयाकडून आरोपीविरोधात prima facie पुरावे असल्याचे निरीक्षणखटल्याची रोज सुनावणी; सुनावणी ‘इन कॅमेरा’ पद्धतीने होणारभीमराव कांबळे याला पहिल्यांदाच प्रत्यक्ष कोर्टात हजर करण्यात आलं होतं.पुण्यातील येरवडा जेलमध्ये कायद्यांची तुफान हाणामारी तंबाखूच्या कारणावरून कैद्यांमध्ये हाणामारी अजय राठोड आणि संतोष भालेराव या दोन कैद्यानी शुभम पोखरकर याला कारागृहात हाणामारी केली आहे येरवडा पोलीस स्टेशन मध्ये जीव घेणे हल्ला केल्याप्रकरणी गुन्हा सुद्धा दाखल करण्यात आला.गेल्या काही दिवसांपासून इंधन दरवाढ सतत होत असल्याने नागपुरातील टॅक्सी चालकांचे आर्थिक गणित पूर्णपणे बिघडले आहे. विशेषतः सीएनजीवर चालणाऱ्या वाहन चालकांना दरवाढीचा मोठा फटका बसत असून ग्राहकांकडून वाढीव भाडे मिळत नसल्याने अडचणी आणखी वाढल्या आहेत. शहरात सीएनजी पंपांची संख्या कमी असताना अनेक ठिकाणी दाब कमी मिळत असल्याने चालकांना दोन ते तीन तास रांगेत उभे राहावे लागत आहे. त्यामुळे गर्दीच्या वेळेत वाहनांना इंधन मिळत नसल्याने बुकिंगवरही परिणाम होत आहे. लाखो रुपये खर्च करून वाहन घेतलेल्या चालकांना कमी भाड्यात फेऱ्या कराव्या लागत असून महिन्याचा खर्चही निघत नसल्याची व्यथा चालकांनी व्यक्त केली आहे..नाशिक - - नाशिकमध्ये बकरी ईद उत्साहात साजरी- नाशिकच्या ईदगाह मैदानावर मुस्लिम बांधव एकत्रित नमाज पठण करत दिला शांततेचा संदेश- सरकारने घालून दिलेल्या नियमांचे पालन करण्याचे धर्मगुरूंचे आवाहन- शहरात पोलिसांचा चोख बंदोबस्त, शांततेत बकरी ईद साजरा करण्याचे आवाहन.नीट पेपरफुटी प्रकरणात नवे धागेदोरे समोर आले आहेत. आरोपी मनोज शिरुरे यांच्या लातूरमधील फ्लॅटवर विशेष क्लासेस भरवले जात असल्याची माहिती समोर आली आहे. या ठिकाणी प्राध्यापक प्रल्हाद कुलकर्णी विद्यार्थ्यांना मार्गदर्शन करत असल्याचे तपासात उघड झाले. तसेच मोटेगावकर क्लासेसमध्येही ‘प्लॅटिनम गोल्ड बॅच’ चालवली जात होती. या बॅचसाठी विद्यार्थ्यांकडून मोठ्या प्रमाणात शुल्क आकारले जात असल्याची माहिती मिळाली असून कुलकर्णी, मोटेगावकर आणि शिरुरे यांच्यातील नेक्ससबाबत CBI सखोल तपास करत आहे..संगमनेर तालुक्यातील हिवरगाव पठार परिसरात मान्सूनपूर्व पावसादरम्यान दुर्दैवी घटना घडली. गिर्हेवाडी येथील मच्छिंद्र झुंबर दुधवडे या तरुण शेतकऱ्यावर विज कोसळल्याने त्यांचा जागीच मृत्यू झाला. काल सायंकाळी जोरदार पाऊस, मेघगर्जना आणि वादळी वाऱ्याने परिसर हादरला होता. पावसामुळे मोटारसायकलवरून घरी परतत असताना अचानक आकाशातून वीज कोसळली आणि या भीषण दुर्घटनेत त्यांचा मृत्यू झाला. घटनेमुळे परिसरात हळहळ व्यक्त केली जात आहे..30 मेपासून आमरण उपोषण सुरू करणार. सरकारला आता किती वेळ देऊ देशात कुठेच झाल नसेल असे आमरण उपोषण करणार मेलो तर मेलो ... उष्मघाताने बळी गेला तर सरकार जबाबदर -मनोज जरांगें.पुण्यातील जनता वसाहत परिसरात अज्ञातांकडून कोयत्याच्या सहाय्याने वाहनांची तोडफोड करण्यात आली. पर्वती पोलीस ठाण्याच्या हद्दीत घडलेल्या या घटनेमुळे परिसरात भीतीचे वातावरण निर्माण झाले आहे. दुचाकी, चारचाकी तसेच टेम्पो वाहनांचे नुकसान करण्यात आले असून दहशत पसरवण्याचा प्रयत्न झाल्याची चर्चा आहे..उल्हासनगरच्या कॅम्प ३ मधील टील्सन मार्केटसमोर दिशा मशिनरी या दुकानात ऑनलाइन पेमेंटच्या नावाखाली तब्बल साडेसहा हजार रुपयांची फसवणूक झाल्याची घटना समोर आली आहे. दोन जणांनी दुकानदाराला गंडा घालत पाण्याची मोटार घेऊन पलायन केलं असून संपूर्ण प्रकार सीसीटीव्ही कॅमेऱ्यात कैद झाला आहे..भागूरच्या सावरकर वाड्यात आज सावरकर जयंतीचा उत्साहदिवसभर विविध कार्यक्रमांचे आयोजनसावरकर वाड्यापासून शोभायात्रा देखील काढणारतर सावरकर वाड्यात आज दिवसभर सावरकरांनी रचलेल्या कवितांचे वाचन आणि गायन होणारसावरकरांच्या प्रतिमेची आरती देखील होणारभगूरच्या सावरकर वाड्यात सावरकरप्रेमींची गर्दी.कर्नाटकात नेतृत्वबदलाच्या हालचालींना वेग आला आहे. सिद्धरामय्या आज मुख्यमंत्रीपदाचा राजीनामा देऊ शकतात. त्याआधी त्यांनी कॅबिनेटमधील मंत्र्यांना ब्रेकफास्ट मिटिंसाठी बोलावलं आहे..- आगामी सिंहस्थ कुंभमेळ्याच्या ध्वजस्तंभाचा शिलान्यास सोहळा पुढील महिन्यात पार पडणार- पुढील महिन्यात ११ जूनला पार पडणार आगामी सिंहस्थ कुंभमेळ्याच्या ध्वज स्तंभ उभारणीचा सोहळा- श्रीमद रामानंदाचार्य नरेंद्राचार्यजी महाराज आणि कुंभमेळा मंत्री गिरीश महाजन यांच्या उपस्थितीत पार पडणार सोहळा- गंगा गोदावर पुरोहित संघातर्फे कुंभमेळ्याच्या ध्वज स्तंभ उभारणीसाठी नरेंद्राचार्यजी महाराजांना निमंत्रण.- नागपुरात विविध पोलिस ठाणे हद्दीत २४ तासात तिनं जणांनी गळफास घेत आयुष्य संपविले - यशोधरा नगर, हुडकेश्वर आणि हिंगणा पोलिस ठाण्याच्या हद्दीतील घटना - यशोधरा नगर पोलिस ठाण्याच्या हद्दीत १७ वर्षीय रोशनी नावांच्या तरुणीने मध्यरात्री घरातील पंख्याला गळफास घेत आत्महत्या केली.. या प्रकरणी पोलिसांनी आकस्मिक मृत्यूची नोंद केली..- हुडकेश्वर पोलिस ठाण्याच्या हद्दीत नरसाळा येथील गोपाल टेके यांनी मानसिक तणावातून छताच्या लोखंडी छताला दोरी बांधून आत्महत्या केली.. पोलिस आत्महत्येच्या कारणाचा शोध घेत आहेत..- तर हिंगणा पोलिस ठाण्याच्या हद्दीत मोंढा परिसरात जयंत तरारे या २४ वर्षीय तरुणाने शेतातील झाडाला दोरी बांधून गळफास लावून आत्महत्या केली..- जयंत हा बऱ्याच काळापासून आजारी होता. या नैराश्यातून आत्महत्या केल्याचा संशय..- हवामान विभागाने आज विदर्भातील नागपूर सह वर्धा, चंद्रपूर, गडचिरोली, गोंदिया आणि वाशिम या 6 जिल्ह्यासाठी उष्णतेचा रेड अलर्ट जारी केला आहे... - आज विदर्भातील अकोला, अमरावती, यवतमाळ आणि भंडारा या 4 जिल्ह्यांमध्ये ऑरेंज अलर्ट जारी करण्यात आला आहे.. तर फक्त बुलढाणा जिल्ह्यामध्ये आज उष्णतेची लाट राहणार नाही असा अंदाज हवामान विभागाने व्यक्त केला आहे...* कालही विदर्भातील या 6 जिल्ह्यांमध्ये उष्णतेचा रेड अलर्ट हवामान विभागाकडून देण्यात आला होता....सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update: दिवसभरातील महत्त्वाच्या घडामोडी वाचा एका क्लिकवर...

सायबर चोरट्यांकडून दोघांची २१ लाखांची फसवणूक

Related Stories

Latest Marathi News Update : राज्यासह देशविदेशात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशविदेशात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...