मोठी बातमी : 'सीईटी'ची परीक्षा देणाऱ्या विद्यार्थ्यांनो, हॉलतिकीट करा डाऊनलोड!

सकाळ वृत्तसेवा
Sunday, 27 September 2020

सीईटी सेलने भौतिकशास्त्र, रसायनशास्त्र आणि जीवशास्त्र विषय असलेल्या 'पीसीबी' ग्रुपच्या विद्यार्थ्यांचे हॉलतिकीट उपलब्ध करून दिले आहेत. त्यावरच विद्यार्थ्यांना परीक्षा केंद्रात प्रवेश दिला जाणार आहे.

पुणे : अभियांत्रिकी, औषधनिर्माणशास्त्र आणि कृषी पदवी प्रवेशासाठी अनिवार्य असलेली 'एमएचटी-सीईटी' ही परीक्षा १ ऑक्‍टोबरपासून घेतली जाणार आहे. त्यासाठी अर्ज केलेल्या 'पीसीबी' ग्रुपच्या विद्यार्थ्यांचे हॉलतिकीट सीईटीच्या संकेतस्थळावरून रविवार (ता.२७) पासून डाऊनलोड करता येणार आहे.

राज्य सीईटी सेलमार्फत उच्च शिक्षणातील पदवी व पदव्युत्तर पदवीच्या प्रवेश परीक्षा घेतल्या जातात. अभियांत्रिकी, औषधनिर्माणशास्त्र आणि कृषी पदवीच्या प्रवेशासाठी यंदा सीईटीसाठी सुमारे साडे पाच लाख विद्यार्थ्यांनी अर्ज केले आहेत.

Video : गुरगुरणाऱ्या चीनविरोधात शड्डू; 'एलएसी'वर भारतीय सैन्यासह टी-९० टँक तैनात

सीईटी सेलने भौतिकशास्त्र, रसायनशास्त्र आणि जीवशास्त्र विषय असलेल्या 'पीसीबी' ग्रुपच्या विद्यार्थ्यांचे हॉलतिकीट उपलब्ध करून दिले आहेत. त्यावरच विद्यार्थ्यांना परीक्षा केंद्रात प्रवेश दिला जाणार आहे. अभियांत्रिकी अभ्यासक्रमांसाठी आवश्‍यक असलेल्या भौतिकशास्त्र, रसायनशास्त्र आणि गणित (पीसीएम) या ग्रुपचे हॉलतिकीट अद्याप उपलब्ध करून देण्यात आलेले नाही.

'पीसीबी' ग्रुपच्या विद्यार्थ्यांची एमएचटी-सीईटी १ ते ९ ऑक्‍टोबर या कालावधीत होत आहे. प्रवेश अर्जाचा क्रमांक आणि पासवर्डच्या साहाय्याने हे हॉलतिकीट डाऊनलोड करावयाचे आहे. हॉलतिकीटवर परीक्षा केंद्राचे नाव, परीक्षेची वेळ, तारीख, पत्ता आणि विद्यार्थ्यांची वैयक्‍तिक माहिती देण्यात आली आहे. त्यानुसार विद्यार्थ्यांनी परीक्षेला सामोरे जावे, असे आवाहन राज्य सीईटी सेलने केले आहे. विद्यार्थ्यांनी अधिक माहितीसाठी आणि हॉलतिकीट मिळविण्यासाठी www.mahacet.org या संकेतस्थळावर भेट द्यावी.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: MHT CET admit card 2020 available on website